ກອງທັບລັດຖະບານຟິລິບປິນໄດ້ສູ້ຮົບກັບກຸ່ມປະກອບອາວຸດອາບູຊາຢັບຢູ່ແຂວງຊູລູ ທາງພາກໃຕ້ປະເທດດັ່ງກ່າວໃນວັນທີ 10 ສິງຫານີ້ ສົ່ງຜົນເຮັດໃຫ້ທະຫານ 2 ຄົນແລະກຸ່ມປະກອບອາວຸດດັ່ງກ່າວ 5 ຄົນເສຍຊີວິດ. ນອກນີ້ ຍັງມີທະຫານໜຶ່ງຄົນ ແລະ ກຸ່ມປະກອບອາວຸດຫຼາຍຄົນບາດເຈັບ.
ທ່ານຊີຣີລີໂຕ ໂຊເບຈານາ ຜູ້ບັນຊາການກອງຕີພິເສດປະສົມຊູລູ ຢືນຢັນວ່າ: ເວລາປະມານ 4:00 ໂມງຂອງວັນດັ່ງກ່າວ, ທະຫານເຮືອສູ້ຮົບທາງບົກກອງໜຶ່ງທີ່ເຂົ້າຮ່ວມຊ່ວຍເຫຼືອຜູ້ຖືກຈີ້ເປັນຕົວປະກັນ ໄດ້ປະທະກັບກຸ່ມປະກອບອາວຸດອາບູຊາຢັບກຸ່ມໜຶ່ງທີ່ມີປະມານ 30 ຄົນ ໂດຍໄດ້ຕໍ່ສູ້ກັນປະມານ 1 ຊົ່ວໂມງ, ແຕ່ກອງທັບລັດຖະບານບໍ່ສາມາດພົບຜູ້ຖືກຈີ້ເປັນຕົວປະກັນ.
ຂ່າວລາຍງານວ່າ: ເມື່ອວັນທີ 15 ກໍລະກົດຜ່ານມາ, ກຸ່ມປະກອບອາວຸດອາບູຊາຢັບ ໄດ້ຈີ້ຊາວບ້ານແຫ່ງຢູ່ທ້ອງຖິ່ນດັ່ງກ່າວ 4 ຄົນ ແລະໄດ້ປະກາດວ່າ: ຖ້າບໍ່ມອບຄ່າໄຖ່ກ່ອນເວລາ 15:00 ໂມງຂອງວັນທີ 10 ສິງຫານີ້ ກໍຈະປະຫານຜູ້ຖືກຈີ້.
