ທ່ານເຈມສ໌ ມາຕິສ ລັດຖະມົນຕີກະຊວງປ້ອງກັນປະເທດອາເມລິກາກ່າວໃນວັນທີ 10 ສິງຫານີ້ວ່າ: ອາເມລິກາຈະຖືເອົາວິທີທາງການທູດເປັນໃຈກາງໃນການແກ້ໄຂບັນຫານິວເຄລຍແຫຼມເກົາຫຼີ.
ທ່ານມາຕິສ ໄດ້ໃຫ້ສຳພາດຕໍ່ນັກຂ່າວໃນວັນດັ່ງກ່າວວ່າ: ໃນການສະແຫວງຫາການແກ້ໄຂບັນຫານິວເຄລຍແຫຼມເກົາຫຼີນັ້ນ, ອາເມລິກາຖືເອົາວິທີທາງການທູດເປັນໃຈກາງ ແລະພວມເປັນຮູບປະທຳ. ຂະນະດຽວກັນ, ທ່ານມາຕິສ ກໍເນັ້ນວ່າ: ຖ້າຢູ່ແຫຼມເກົາຫຼີເກີດສົງຄາມກໍຈະພາໃຫ້ເກີດຜົນຢ້ອນຫຼັງທີ່ເປັນໄພພິບັດ.
ສ່ວນກໍລະນີທີ່ທ່ານໂດນັນ ທຣຳ ປະທານາທິບໍດີອາເມລິກາໄດ້ຫວ່ານຖ້ອຍຄວາມທີ່ເປັນການສະແດງທ່າທີແຂງກະດ້າງຕໍ່ ສປປ ເກົາຫຼີເມື່ອບໍ່ດົນມານີ້ນັ້ນ, ທ່ານມາຕິສ ກ່າວວ່າ: ທ່ານທຣຳພວມຄິດຫາທາງແກ້ໄຂບັນຫານິວເຄລຍແຫຼມເກົາຫຼີດ້ວຍທາງການທູດ, ແຕ່ການສະແດງທ່າທີທີ່ແຂງກະດ້າງຂອງທ່ານເປັນພຽງແຕ່ສະແດງໃຫ້ເຫັນເຖິງຄວາມເປັນຫ່ວງຕໍ່ບັນຫາດັ່ງກ່າວເທົ່ານັ້ນ.