ວັນທີ 10 ສິງຫານີ້, ກະຊວງແຜນການແລະການລົງທຶນຫວຽດນາມໄດ້ຄາດຄະເນວ່າ: ປີນີ້,ອັດຕາການເຕີບໂຕຂອງລວມຍອດຜະລິດຕະພັນພາຍໃນ ຂອງປະເທດຕົນຈະຢູ່ໃນລະດັບ 6,5% ເຊິ່ງຕ່ຳກວ່າເປົ້າໝາຍທີ່ຕັ້ງໄວ້ 6,7%.
ສູນຂໍ້ມູນຂ່າວສານເສດຖະກິດສັງຄົມຫວຽດນາມເຫັນວ່າ: ສາເຫດທີ່ພາໃຫ້ອັດຕາການເຕີບໂຕຂອງ GDP ຕ່ຳກວ່າເປົ້າໝາຍເປັນຜົນມາຈາກບັນຫາການເມືອງໃນພາກພື້ນ ຍັງບໍ່ທັນມີສະຖຽນລະພາບ, ລັດທິປົກປ້ອງການຄ້າຂອງໂລກໄດ້ກະທົບຕໍ່ການຄ້າແລະການດຶງດູດທຶນຈາກຕ່າງປະເທດລວມທັງການປົກປ້ອງການຄ້າແລະນະໂຍບາຍພາສີອາກອນຂອງອາເມລິກາກໍກະທົບຕໍ່ການສົ່ງອອກຂອງຫວຽດນາມ ກໍຄືລາຄານ້ຳມັນເຊື້ອໄຟຕົກຕ່ຳລົງເຮັດໃຫ້ມູນຄ່າການສົ່ງອອກຫຼຸດລົງແລະອື່ນໆ.
ໃນ 6 ເດືອນຕົ້ນປີນີ້, ອັດຕາການເຕີບໂຕຂອງ GDP ຂອງຫວຽດນາມຢູ່ໃນລະດັບ 5,7% ຂະນະທີ່ປີ 2016 ຢູ່ໃນລະດັບ 6,21%.
 |
