ໄທ​ແລະ​ຣັດ​ເຊຍ​ກຽມ​ຍົກ​ປະ​ລິ​ມານ​ການ​ຄ້າ​ໃຫ້​ສູງ​ຂຶ້ນ
2017-08-11 10:30:17  cri 
ທ່ານ​ປ​ຣະ​ຍຸດ ຈັນ​ໂອ​ຊາ ນາ​ຍົກ​ລັດ​ຖະ​ມົນ​ຕີ​ໄທ​ໄດ້​ຕ້ອ​ນ​ຮັບ​ການ​ເຂົ້າ​ຢ້ຽມ​ຄຳ​ນັບ​ຂອງ​ທ່ານ​ເຊີ​ເກ ລາ​ຟ​ຣົ​ຟ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຣັດ​ເຊຍ​ໃນ​ໂອ​ກາດ​ຢ້ຽມ​ຢາມ​ໄທ, ​ຂະ​ນະ​ທີ່ສອງ​ຝ່າຍ​ເນັ້ນ​​ໃຊ້​ມາດ​ຕະ​ການ​ເພື່ອຍົກ​ປະ​ລິ​ມານ​ການ​ຄ້າ​ໃຫ້​ສູງ​ຂຶ້ນ​ຢ່າງຫຼວງຫຼາຍ.

ນອກ​ນີ້, ສອງ​ຝ່າຍ​ໄດ້​ຄົ້ນ​ຄວ້າ​ຊ່ອງ​ທາງ​ຍົກ​ປະ​ລິ​ມານ​ການ​ຄ້າ​ໃຫ້​ສູງ​ຂຶ້ນ ແລະ​ພະ​ຍາ​ຍາມ​ຍົກ​ຍອດ​ມູ​ນ​ຄ່າ​ການ​ຄ້າ​ລະ​ຫວ່າງ​ສອງ​ປະ​ເທດ​ຈາກ 2 ຕື້​ໂດ​ລາ​ໃນ​ປັດ​ຈຸ​ບັນ ຂຶ້ນ​ເປັນ 10 ຕື້​ໂດ​ລາ​ໃນ​ປີ 2020 ແລະ​ເຫັນ​ພ້ອມ​ກັນ​ວ່າ, ສອງ​ປະ​ເທດ​ຈະ​ຮ່ວມ​ມື​ໃນ​ຂົງ​ເຂດ​ພະ​ລັງ​ງານ, ວິ​ທະ​ຍາ​ສາດ​ເຕັກ​ໂນ​ໂລ​ຊີ, ຄວາມ​ໝັ້ນ​ຄົງ ແລະ​ການ​ລົງ​ທຶນ.

ໄທ​ໄດ້​ສະ​ເໜີ​ຍຸດ​ທະ​ສາດ "ໄທ 4.0" ແລະ​ໂຄງ​ການ​ແລວ​ທາງ​ເສດ​ຖະ​ກິດ​ພາກ​ຕາ​ເວັນ​ອອກ, ສົ່ງ​ເສີມ​ການ​ປະ​ດິດ​ສ້າງ​ແລະ​ນຳ​ໃຊ້​ເຕັກ​ນິກ ແລະ​ພັດ​ທະ​ນາ​ຂະ​ແໜງ​ການ​ທີ່​ມີ​ມູນ​ຄ່າ​ເພີ່ມ​ສູງ. ຂະ​ນະ​ດຽວ​ກັນ ໄທ​ກໍ​ຕ້ອງ​ການ​ໃຫ້ຣັດ​ເຊຍ​​ເຂົ້າ​ໄປລົງ​ທຶນ​​ໃນ​ຂະ​ແໜງ​ການ​ການ​ບິນ ແລະ​ຫຸ່ນ​ຍົນ ແລະ​​ຮ່ວມ​​ພັດ​ທະ​ນາໂຄງ​ການ​ແລວ​ທາງ​ເສດ​ຖະ​ກິ​ພາກ​ຕ​າ​ເວັນ​ອອກ.

ນອກ​ນີ້, ໄທ​ຍັງ​ສະ​ເໜີໃຫ້ເລີ່ມ​​ເຈ​ລະ​ຈາ​ສັນ​ຍາ​ການ​ຄ້າ​ເສ​ລີ​ລະ​ຫວ່າງ​ສະ​ຫະ​ພັນ​ເສດ​ຖະ​ກິດ​ອາ​ຊີ​ເອີ​ລົບ​ກັບປະ​ເທດ​ຕົນ​ໂດຍ​ໄວ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ