ຫ້ອງການຖະແຫຼງຂ່າວອຳນາດການປົກຄອງແຂວງເສສວນຢືນຢັນວ່າ, ມາຮອດ 12 ໂມງຂອງວັນທີ 10 ສິງຫານີ້, ມີຜູ້ເສຍຊີວິດ 20 ຄົນ ແລະຜູ້ບາດເຈັບ 431 ຄົນ, ໃນນີ້ບາດເຈັບສາຫັດ 18 ຄົນ ຈາກເຫດແຜ່ນດິນໄຫວຢູ່ຈິວຈ້າຍໂກ່ວແຂວງເສສວນ.
ເຈົ້າໜ້າທີ່ກະຊວງຄົມມະນາຄົມຂົນສົ່ງຈີນແຈ້ງວ່າ, ໄປພ້ອມກັບການເຮັດໃຫ້ການຄົມມະນາຄົມຢູ່ເສັ້ນທາງຕອນໃຈກາງແຜ່ນດິນໄຫວຫາຈິວຈ້າຍຖ່ຽນຖາງກັບສູ່ສະພາບປົກກະຕິແລ້ວ, ທາງຫຼວງເຂດປະສົບໄພກໍໄດ້ປົວແປງເຮັດໃຫ້ການສັນຈອນໄດ້ເປັນປົກກະຕິແລ້ວເຊັ່ນດຽວກັນ, ນັກທ່ອງທ່ຽວຫຼາຍໝື່ນຄົນທີ່ຄ້າງຢູ່ເຂດແຜ່ນດິນໄຫວ ກໍໄດ້ອອກຈາກເຂດເກີດເຫດ, ໃນນີ້ເກືອບ 9000 ຄົນໄດ້ຂີ່ລົດໂດຍສານສຸກເສີນອອກຈາກເຂດປະສົບໄພ.
ທ່ານສຕີຟານ ດູຈາຣິກ ໂຄສົກເລຂາທິການໃຫຍ່ອົງການສະຫະປະຊາຊາດເປີດເຜີຍໃນພິທີຖະແຫຼງຂ່າວທີ່ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຊາດນະຄອນນິວຢອກໃນວັນທີ 9 ສິງຫານີ້ວ່າ, ອົງການສະຫະປະຊາຊາດສະແດງຄວາມເປັນຫ່ວງຫຼັງເກີດແຜ່ນດິນໄຫວຮຸນແຮງຢູ່ແຂວງເສສວນແລະເຂດຊິ່ນຈ່ຽງປະເທດຈີນເມື່ອມໍ່ໆມານີ້ ແລະກ່າວວ່າ, ຖ້າມີຄວາມຕ້ອງການ, ອົງການສະຫະປະຊາຊາດກໍຈະຊ່ວຍເຫຼືອທຸກເວລາ.