ສະ​​​ພາເມືອງລອ​ສ​ແອງ​ເຈີ​ລິ​ສ໌​ປ່ອນ​ບັດ​ສະ​ໜັບ​ສະ​ໜູນ​ຈັດ​ງານ​ມະ​ຫະ​ກຳ​ກິ​ລາ​ໂອ​ລິມ​ປິກ​ 2028
2017-08-12 14:43:24  cri 
​ສະ​ພາ​ເມືອງ​ລອ​ສ​ແອງ​ເຈີ​ລິ​ສ໌​ໄດ້​ຈັດ​ກອງ​ປະ​ຊຸມ​ວິ​ສາ​ມັນ​ໃນ​ຕອນ​ເຊົ້​າ​ວັນ​ທີ 11 ສິງ​ຫາ​ນີ້ ເພື່ອ​ຮັບ​ຟັງ​ຄວາມ​ຄິດ​ຄວາມ​ເຫັນ​ຈາກ​ປະ​ຊາ​ຊົ​ນ​ແລະ​ຜູ້​ຕາງ​ໜ້າ​ວົງ​ການ​ຕ່າງໆ​ເກືອບ 100 ຄົນ ແລະ​ຜ່ານ​​ການປ່ອນ​ບັດ​ສອງ​ຮອບ ໃນ​ທີ່​ສຸດ,ກອງ​ປະ​ຊຸມໄດ້​ເຫັນ​ດີ​ມອບ​ສິດ​ໃຫ້​ແກ່​ອົງ​ການ​ປົກ​ຄອງ​ເມືອງ​ດັ່ງ​ກ່າວ​ລົງ​ນາມ​ໃນ​ສັນ​ຍາ​ການ​ເປັນ​ເຈົ້າ​ພາບ​ຈັດ​ງານ​ມະ​ຫະ​ກຳ​ກິ​ລາ​ໂອ​ລິມ​ປິກ​ປີ 2028.

ກ່ອນ​ໜ້າ​ນີ້, ເມືອງ​ລອ​ສ​ແອງ ​ເຈີ​ລິ​ສ໌ ປະ​ເທດອາ​ເມ​ລິ​ກາແລະ ນະ​ຄອນ​ຫຼວງ​ປາ​ຣີ​ປະ​ເທດຝ​ຣັ່ງໄດ້​ແຂ່ງ​ຂັນ​ກັນເປັນ​ເຈົ້າ​ພາບ​ຈັດ​ງານ​ມະ​ຫະ​ກຳ​ກິ​ລາ​ໂອ​ລິມ​ປິກລະ​ດູ​ຮ້ອນ​ປີ 2024. ຂະ​ນະ​ທີ່​ຄະ​ນະ​ກຳ​ມະ​ການ​ໂອ​ລິມ​ປິກ​ສາ​ກົນ​ໄດ້​ປ່ອນ​ບັດ​ແລະ​ຕົກ​ລົງ​ໃນ​ເດືອນ​ກໍ​ລະ​ກົດ​ຜ່ານ​ມາ​ວ່າ: ຈະ​ປະ​ກາດ​ສະ​ຖານ​ທີ່​ຈັດ​ງານ​ມະ​ຫະ​ກຳ​ກິ​ລ​າ​ໂອ​ລິມ​ປິກປີ 2024 ແລະປີ 2028 ຢູ່​ນະ​ຄອນ​ຫຼວງ​ລີ​ມາ​ປະ​ເທດ​ເປ​ຣູ​ໃນ​ເວ​ລາ​ດຽວ​ກັນ​ຄື​ໃນ​ເດືອນ​ກັນ​ຍາ​ປີ​ນີ້ ໂດຍ​ເມືອງ​ລອ​ສ​ແອງ ​ເຈີ​ລິ​ສ໌ ແລະ​ປາ​ຣີ​ຕ່າງ​ຈະ​ໄດ້​ຮັບ​ໂອ​ກາດ​ຈັດ​ງານ​ຄັ້ງ​ໜຶ່ງ. ຫຼັງ​ຈາກ​ນັ້ນ, ຄະ​ນະ​ກຳ​ມະ​ການໂອ​ລິມ​ປິກ​ສາ​ກົນໄດ້​ເຈ​ລະ​ຈາ​ກັບ​ປ​າ​ຣີ​ແລະ​ລອ​ສແອງ ​ເຈີ​ລິ​ສ໌ ໂດຍໃນ​ສຸດ​ທ້າຍລອ​ສ​ແອງ ເຈີ​ລິ​ສ໌​ໄດ້​ເຫັນ​ດີ​ໃນ​ວັນ​ທີ 31 ກໍ​ລະ​ກົດ​ຜ່ານ​ມາ​ວ່າຈະ​ຍິນ​ດີ​ເປັນ​ເຈົ້າ​ພາບຈັດ​ງານ​ມະ​ຫະ​ກຳ​ກິ​ລາ​ໂອ​ລິມ​ປິກ 2028 ຫຼັງ​ຈາກ​ໄດ້​ຮັບ​ນະ​ໂຍ​ບາຍ​ສົ່ງ​ເສີມ​ຕ່າງໆ​ຈາກ​ຄະ​ນະ​ກຳ​ມະ​ການ​ໂອ​ລິມ​ປິກ​ສາ​ກົນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ