ວັນທີ 12 ສິງຫານີ້ ເມືອງຈຽວຈ້າຍແຂວງເສສວນ ສປ ຈີນ ເກີດແຜ່ນດິນໄຫວຜ່ານມາເປັນມື້ທີ 5 ແລ້ວ, ດ້ວຍການຮ່ວມມືສຸດຂີດຈາກພາກສ່ວນຕ່າງໆຂອງລະບົບການບິນພົນລະເຮືອນ, ໜ້າທີ່ການຂົນສົ່ງແລະແຍກຍ້າຍນັກທ້ອງຖິ່ນ, ການຂົນສົ່ງພະນັກງານແລະວັດຖຸກູ້ໄພສຸກເສີນ ແລະໜ້າທີ່ການບິນຮັບປະກັນຕ່າງໆໄດ້ດຳເນີນໄປຢ່າງເປັນລະບຽບດີ.
ແຫຼ່ງຂ່າວຈາກກົມການບິນພົນລະເຮືອນໃຫ້ຮູ້ວ່າ, ມາຮອດວັນທີ 12 ສິງຫານີ້, ສະໜາມບິນຮວງລົງເມືອງຈຽວຈ້າຍໄດ້ສຳເລັດໜ້າທີ່ຂອງຕົນເປັນຢ່າງດີ ໂດຍບໍ່ມີນັກທ່ອງທ່ຽວຄ້າງຢູ່ສະໜາມບິນເປັນ 5 ມື້ລຽນຕິດແລ້ວເຊິ່ງສາມາດສຳເລັດໜ້າທີ່ຂົນສົ່ງນັກທ່ອງທ່ຽວໂດຍພື້ນຖານ, ການຂົນສົ່ງພະນັກງານແລະວັດຖຸກູ້ໄພ ແລະໜ້າທີ່ການບິນເພື່ອຮັບປະກັນວຽກງານກູ້ໄພອື່ນໆໄດ້ດຳເນີນໄປເປັນຢ່າງດີ.
ຕາມສະຖິຕິຂອງພະແນກບໍລິຫານເຂດຕາເວັນຕົກສຽງໃຕ້ການບິນພົນລະເຮືອນຈີນ, ນັບແຕ່ມື້ເກີດແຜ່ນດິນໄຫວຮອດເວລາ 17 ໂມງຂອງວັນທີ 12 ສິງຫານີ້, ການບິນພົນລະເຮືອນຈີນໄດ້ຈັດຕັ້ງການບິນກູ້ໄພ 127 ຖ້ຽວລຳ, ຂົນສົ່ງນັກທ່ອງທ່ຽວອອກຈາກສະໜາມບິນຮວງລົງ 2456 ຄົນ.