ພິທີເປີດນຳໃຊ້ຫໍພັກມະຫາວິທະຍາໄລການບິນແລະການບິນອະວະກາດມຽນມາ ແລະ ພິທີເປີດໂຮງຮຽນມິດຕະພາບຈີນ-ມຽນມາ ແຫ່ງທີ 16 ທີ່ ສະຖານທູດຈີນປະຈຳມຽນມາຊ່ວຍກໍ່ສ້າງ ໄດ້ຈັດຂຶ້ນຢ່າງຄຶກຄື້ນຢູ່ເມືອງເມັກຕີລາ ແຂວງມານດາເລ ປະເທດດັ່ງກ່າວໃນວັນທີ 11 ສິງຫານີ້ ໂດຍທ່ານຫົງລ້ຽງ ເອກອັກຄະລັດຖະທູດຈີນປະຈຳມຽນມາ ແລະ ທ່ານມິວເທນຍີ ລັດຖະມົນຕີກະຊວງສຶກສາທິການມຽນມາ ໄດ້ເຂົ້າຮ່ວມ ແລະ ປາໄສ, ຂະນະທີ່ທ່ານຫົງລ້ຽງ ເອກອັກຄະລັດຖະທູດຈີນໄດ້ມອບທຶນການສຶກສາໃຫ້ແກ່ນັກຮຽນໂຮງຮຽນດັ່ງກ່າວ.
ຫໍພັກນັກສຶກສາແຫ່ງໃໝ່ທີ່ຈີນຊ່ວຍກໍ່ສ້າງກວມເນື້ອທີ່ 3.717 ຕາແມັດ, ໃນນີ້ມີເນື້ອທີ່ກໍ່ສ້າງປະມານ 2.500 ຕາແມັດ, ຫ້ອງໜຶ່ງພັກໄດ້ 4 ຄົນແລະສາມາດຮັບຮອງນັກຮຽນໄດ້ 192 ຄົນ. ຫໍພັກດັ່ງກ່າວຈະຕ້ອນຮັບນັກຮຽນຊຸດທຳອິດຢ່າງເປັນທາງການໃນພາກຮຽນໃໝ່ ຄື ເດືອນທັນວາປີນີ້.
