ໃນວັນທີ 12 - 13 ສິງຫານີ້, ຢູ່ສູນວາງສະແດງສາກົນນະຄອນຫຼວງບານດາເຊຣີເບກາວັນປະເທດບຣູໄນໄດ້ມີງານວາງສະແດງຂະໜາດໃຫຍ່ເພື່ອສະຫຼອງວັນສ້າງຕັ້ງອາຊຽນຄົບຮອບ 50 ປີ ໂດຍການເປັນເຈົ້າພາບຂອງກະຊວງການຕ່າງປະເທດແລະການຄ້າ, ປະເທດສະມາຊິກອາຊຽນ,ປະເທດຄູ່ເຈລະຈາແລະອື່ນໆຮ່ວມກັນຈັດຂຶ້ນ ເພື່ອສະແດງໃຫ້ເຫັນປະຫວັດສາດແລະສະພາບປັດຈຸບັນຂອງອາຊຽນ,ການພົວພັນລະຫວ່າງບັນດາປະເທດກັບອາຊຽນ ກໍຄືວັດທະນະທຳ,ຜະລິດຕະພັນພິເສດແລະອາຫານພື້ນເມືອງທີ່ມີເອກະລັກພິເສດຂອງບັນດາປະເທດແລະອື່ນໆ.
ໃນງານດັ່ງກ່າວຍັງໄດ້ຈັດງານວາງສະແດງສະເພາະຂອງຈີນໂດຍສູນຈີນ-ອາຊຽນ ແລະສະຖານທູດຈີນປະຈຳບຣູໄນເປັນເຈົ້າພາບ. ງານວາງສະແດງຈີນເນັ້ນຫົວຂໍ້ວັດທະນະທຳສາຍໄໝ ແລະມີສິລະປິນຈີນໄດ້ສາທິດການຖັກແສ່ວທີ່ປານີດ ເຊິ່ງສາມາດດຶງດູດຜູ້ຊົມເຂົ້າຊົມເປັນຈຳນວນຫຼາຍ.
 |
