ວັນທີ 11 ສິງຫານີ້ ຢູ່ນະຄອນຫຼວງຈາກາຕາປະເທດອິນໂດເນເຊຍ, ທ່ານ ໂຈໂຄ ວິໂດໂດ ປະທານາທິບໍດີອິນໂດເນເຊຍກ່າວວ່າ: ການກໍ່ອາຊະຍາກຳຂ້າມຊາດລວມທັງລັດທິກໍ່ການຮ້າຍແລະການຄ້າຢາເສບຕິດຜິດກົດໝາຍແມ່ນສິ່ງທ້າທາຍທີ່ໃຫຍ່ຫຼວງທີ່ອາຊຽນຜະເຊີນຮ່ວມກັນ ແລະຈາກນີ້ ອາຊຽນຄວນເພີ່ມທະວີຄວາມສາມັກຄີ ຮ່ວມມືກັນຮັບມືຕໍ່ສິ່ງທ້າທາຍດັ່ງກ່າວ.
ທ່ານ ໂຈໂຄ ວິໂດໂດ ໄດ້ໃຫ້ທັດສະນະດັ່ງກ່າວຂະນະເຂົ້າຮ່ວມພິທີລະນຶກວັນສ້າງຕັ້ງອາຊຽນຄົບຮອບ 50 ປີໃນມື້ດັ່ງກ່າວ. ນອກນີ້ທ່ານຍັງໄດ້ກ່າວວ່າ: ລັດທິກໍ່ການຮ້າຍແມ່ນໄພຂົ່ມຂູ່ທີ່ແທ້ຈິງຂອງອາຊຽນ. ອາຊຽນຄວນສະດຸ້ງໄວໃນການປາບປາມລັດທິກໍ່ການຮ້າຍ,ເພີ່ມທະວີຄວາມສາມັກຄີແລະປະສານງານກັນຢ່າງແໜ້ນແຟ້ນ. ນອກຈາກລັດທິກໍ່ການຮ້າຍແລ້ວ, ການກໍ່ອາຊະຍາກຳການຄ້າຢາເສບຕິດກໍໄດ້ກາຍເປັນສິ່ງທ້າທາຍທີ່ໃຫຍ່ຫຼວງໃໝ່ຂອງອາຊຽນ. ເຊິ່ງຊາວໜຸ່ມອາຊຽນບໍ່ຄວນເສຍອະນາຄົດຍ້ອນຢາເສບຕິດແລະຈາກນີ້ບໍ່ມີທາງອື່ນໃດເພື່ອຫຼີກເວັ້ນໄພຂົ່ມຂູ່ດ້ານຢາເສບຕິດທີ່ມີຕໍ່ອາຊຽນ ເຊິ່ງມີທາງດຽວຄືອາຊຽນຕ້ອງຮ່ວມມືປາບປາມເທົ່ານັ້ນ.
ໃນມື້ດັ່ງກ່າວ, ທ່ານ ເລລຽງມິງ ເລຂາທິການໃຫຍ່ອາຊຽນ,ທ່ານ ເຣັດໂນ ມາຊູດີ ລັດຖະມົນຕີກະຊວງການຕ່າງປະເທດອິນໂດເນເຊຍ, ທ່ານ ອານີຟາ ອາມານ ລັດຖະມົນຕີກະຊວງການຕ່າງປະເທດມາເລເຊຍແລະທູຕານຸທູດຂອງປະເທດຕ່າງໆປະຈຳອາຊຽນແລະປະເທດອື່ນໆກໍໄດ້ເຂົ້າຮ່ວມພິທີດັ່ງກ່າວ.
 |
