ຕາມຂ່າວສານຈີນ: ທ່ານ ອຶງກາຊວນ ລັດຖະມົນຕີຜູ້ທີສອງກະຊວງການຄ້າສາກົນແລະອຸດສາຫະກຳມາເລເຊຍ ເປີດເຜີຍວ່າ, ອາຊຽນແລະຮົງກົງຈະເຊັນສັນຍາການຄ້າເສລີໃນເດືອນຕຸລາປີນີ້. ທັງນີ້ ຕາມແຜນການເດີມ ຈະເຊັນສັນຍາໃນທ້າຍປີຜ່ານມາ, ແຕ່ຕິດຂັດບັນຫາເຕັກນິກຈຳນວນໜຶ່ງ.
ພະແນກການຄ້າແລະການພັດທະນາຮົງກົງເປີດເຜີຍວ່າ, ອາຊຽນແມ່ນຄູ່ການຄ້າໃຫຍ່ອັນດັບທີສອງ ຖັດຈາກແຜ່ນດິນໃຫຍ່ຈີນ ທັງຍັງແມ່ນຕະຫຼາດສົ່ງອອກໃຫຍ່ອັນດັບທີສີ່ ໂດຍເຫັນໄດ້ໃນປີ 2014, ມູນຄ່າການຄ້າລະຫວ່າງສອງຝ່າຍ ບັນລຸເຖິງ 824 ຕື້ 600 ລ້ານໂດລາຮົງກົງ; ໃນນັ້ນ, ຮົງກົງສົ່ງອອກໄປອາຊຽນບັນລຸ 258 ຕື້ 600 ລ້ານໂດລາຮົງກົງ ໂດຍຜະລິດຕະພັນສົ່ງອອກຕົ້ນຕໍປະກອບມີເຄື່ອງສື່ສານແລະອາໄຫຼ່ສື່ສານ, ຕຼັງຊິສະເຕີ, ຫຼອດເອເລັກໂຕຼນິກ, ອຸປະກອນຫ້ອງການ, ຊິ້ນສ່ວນຄອມພິວເຕີ ແລະອື່ນໆ.
 |
