ວັນທີ 13 ສິງຫານີ້, ຢູ່ເຂດເໜືອນະຄອນຫຼວງຈາກາຕາປະເທດອິນໂດເນເຊຍໄດ້ຈັດງານແນະນຳນັກສຶກສາໄປຮຽນຢູ່ຈີນດ້ວຍຫົວຂໍ້ "ຈີນຍິນດີຕ້ອນຮັບພວກເຈົ້າ" ໂດຍມີນັກສຶກສາ 200 ກວ່າຄົນພ້ອມຜູ້ປົກຄອງຂອງເຂົາເຈົ້າໄດ້ເຂົ້າຮ່ວມ.
ງານແນະນຳຄັ້ງນີ້ໄດ້ເຮັດໃຫ້ນັກສຶກສາສາມາດເຫັນໄດ້ຄວາມແຕກຕ່າງໃນການສຶກສາຮ່ຳຮຽນແລະດຳລົງຊີວິດລະຫວ່າງອິນໂດເນເຊຍ-ຈີນຢ່າງລະອຽດແລະຖືກຕ້ອງກວ່າເກົ່າ. ຂະນະດຽວກັນກໍເຮັດໃຫ້ບັນດານັກສຶກສາສາມາດເຂົ້າໃຈຢ່າງຮອບດ້ານຕໍ່ບັນຫາຕ່າງໆທີ່ຕົນຈະຜະເຊີນກໍຄືວິທີແກ້ໄຂ. ບັນດານັກສຶກສາຢືນຢັນວ່າກຽມພ້ອມຢ່າງເຕັມສ່ວນເພື່ອຮັບມືກັບສິ່ງທ້າທາຍຕ່າງໆທີ່ຈະຜະເຊີນ, ພ້ອມກັນນັ້ນກໍຫວັງວ່າຈະສາມາດຊອກຫາເປົ້າໝາຍໃນຊີວິດຈາກການສຸມທຸກຄວາມພະຍາຍາມ ເພື່ອບັນລຸຄວາມໃຝ່ຝັນແລະຕ້ອນຮັບຄວາມຫວັງຂອງຕົນບົນເສັ້ນທາງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ".