ຄ້າຍກອງທະຫານຮັກສາສັນຕິພາບຂອງອົງການສະຫະປະຊາຊາດປະຈຳມາລີຖືກຜູ້ກໍ່ການຮ້າຍໂຈມຕີ

ວັນທີ 14 ສິງຫານີ້, ຄ້າຍກອງທະຫານຮັກສາສັນຕິພາບແຫ່ງໜຶ່ງຂອງອົງການສະຫະປະຊາຊາດປະຈຳມາລີທີ່ຕັ້ງຢູ່ພາກເໜືອປະເທດດັ່ງກ່າວໄດ້ຖືກຜູ້ກໍ່ການຮ້າຍໂຈມຕີ ສົ່ງຜົນເຮັດໃຫ້ຢ່າງໜ້ອຍມີ 9 ຄົນເສຍຊີວິດ.

ເຈົ້າໜ້າທີ່ທະຫານມາລີທີ່ປະຈຳຢູ່ຕິມບຸກຕູ ພາກເໜືອປະເທດມາລີໃຫ້ຮູ້ວ່າ: ຕອນບ່າຍມື້ດັ່ງກ່າວ, ຄ້າຍກອງທະຫານຮັກສາສັນຕິພາບຂອງອົງການສະຫະປະຊາຊາດປະຈຳທ້ອງຖິ່ນແຫ່ງໜຶ່ງໄດ້ຖືກຜູ້ກໍ່ການຮ້າຍໂຈມຕີ, ຂະນະທີ່ກອງທະຫານຮັກສາສັນຕິພາບແລະກອງທະຫານມາລີທີ່ປະຈຳຢູ່ນອກຄ້າຍດັ່ງກ່າວໄດ້ຮ່ວມກັນສູ້ຮົບ ໂດຍການໂຈມຕີຄືນຜູ້ກໍ່ການຮ້າຍເຫຼົ່ານີ້ຢ່າງວ່ອງໄວ ແລະໃນໄລຍະຕໍ່ສູ້, ຜູ້ກໍ່ການຮ້າຍ 4 ຄົນໄດ້ຖືກຍິງເສຍຊີວິດ,ສາລະວັດທະຫານມາລີ 1 ຄົນແລະຜູ້ປ້ອງກັນຄວາມສະຫງົບ 4 ຄົນຂອງບໍລິສັດປ້ອງກັນຄວາມສະຫງົບເອກະຊົນແຫ່ງໜຶ່ງຖືກຍິງເສຍຊີວິດ.

ຂ່າວແຈ້ງວ່າ: ໃນມື້ດັ່ງກ່າວ, ຄ້າຍກອງທະຫານຮັກສາສັນຕິພາບຂອງອົງການສະຫະປະຊາຊາດອີກແຫ່ງໜຶ່ງທີ່ຕັ້ງຢູ່ເຂດມອບຕີທາງພາກກາງມາລີກໍໄດ້ຖືກຜູ້ກໍ່ການຮ້າຍໂຈມຕີເຊັ່ນດຽວກັນ.