ໜັງສືພິມຈາກາຕາພົສລາຍງານໂດຍອ້າງຕາມການເປີດເຜີຍຂອງ, ທ່ານອາກຸສ ມາໂທວະໂດໂຈ ຜູ້ວ່າການທະນາຄານກາງອິນໂດເນເຊຍຫວ່າງມໍ່ໆນີ້ວ່າ, ປີ 2016, ຍອດມູນຄ່າການຄ້າເອເລັກໂຕຣນິກຂອງປະເທດຕົນໄດ້ບັນລຸເຖິງ 5 ຕື້ 600 ລ້ານໂດລາສະຫະລັດ, ເຊິ່ງເປັນການສະແດງໃຫ້ເຫັນເຖິງກຳລັງບົ່ມຊ້ອນອັນໃຫຍ່ຫຼວງຂອງຂະແໜງການການຄ້າເອເລັກໂຕຣນິກປະເທດຕົນໃນຕະຫຼາດອາຊີຕາເວັນອອກສຽງໃຕ້.
ປັດຈຸບັນທົ່ວປະເທດອິນໂດເນເຊຍມີຜູ້ໃຊ້ອິນເຕີເນັດ 27 ລ້ານ 4 ແສນ 7 ໝື່ນຄົນ, ຜູ້ໃຊ້ໂທລະສັບມືຖືຍິ່ງມີຫຼາຍ, ເຖິງວ່າການຄ້າເອເລັກໂຕຣນິກຈະເຕີບໂຕ 78% ຕໍ່ປີກໍຕາມ, ແຕ່ອິນໂດເນເຊຍຄວນດ້ານບໍລິການອິນເຕີເນັດແລະຍົກສູງອັດຕາການນຳໃຊ້ອິນເຕີເນັດໃຫ້ທົ່ວເຖິງ. ທ່ານອາກຸສເຊື່ອວ່າອິນເຕີເນັດສາມາດຍົກສູງປະສິດທິພາບແລະມູນຄ່າການຜະລິດດ້ານເສດຖະກິດໃຫ້ສູງຂຶ້ນ, ຖ້າວ່າສາມາດກຳໂອກາດຈາກເສດຖະກິດດີຈີຕອນໃຫ້ດີ, ອັດຕາເສດຖະກິດເຕີບໂຕຂອງປະເທດຕົນຈະສາມາດຍົກຂຶ້ນເປັນ 7%.
 |
