ທ່ານນາງ ຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວໃນວັນທີ 14 ສິງຫານີ້ວ່າ, ຈີນທວງໃຫ້ສ.ເກົາຫຼີປະຕິບັດຕາມຄວາມເອົາໃຈໃສ່ດ້ານຄວາມໝັ້ນຄົງຂອງຈີນຢ່າງຖືກຕ້ອງ ແລະຢຸດຕິການຕິດຕັ້ງລະບົບ "ທັດ".
ໃນງານຖະແຫຼງຂ່າວຂອງກະຊວງການຕ່າງປະເທດຈີນ, ມີນັກຂ່າວຖາມວ່າ, ລັດຖະມົນຕີກະຊວງປ້ອງກັນປະເທດຄົນໃໝ່ຂອງສ.ເກົາຫຼີກ່າວໃນກອງປະຊຸມສະພາແຫ່ງຊາດໃນມື້ດຽວກັນວ່າ, ເພື່ອຮັບມືກັບສະຖານະການທີ່ເຄັ່ງຕຶງຂອງແຫຼມເກົາຫຼີໃນປັດຈຸບັນ, ຈະພະຍາຍາມຂຸ້ນຂ້ຽວຕິດຕັ້ງລະບົບ "ທັດ" ຢ່າງສຸດຂີດ. ຈີນມີຄຳເຫັນແນວໃດຕໍ່ເລື່ອງນີ້?
ທ່ານນາງ ຮວ້າຊຸ່ນຢິງ ກວ່າວ່າ, ລະບົບ "ທັດ" ບໍ່ສາມາດແກ້ໄຂບັນຫາຄວາມເອົາໃຈໃສ່ດ້ານຄວາມໝັ້ນຄົງຂອງສ.ເກົາຫຼີໄດ້, ບໍ່ມີຜົນດີຕໍ່ການແກ້ໄຂບັນຫານິວເຄລຍແຫຼມເກົາຫຼີ ແລະໄດ້ທຳລາຍຜົນປະໂຫຍດດ້ານຄວາມໝັ້ນຄົງຍຸດທະສາດຂອງຈີນແລະປະເທດອື່ນໆຢ່າງໜັກໜ່ວງ. ຈາກນີ້ ຈີນທວງໃຫ້ສ.ເກົາຫຼີປະຕິບັດຕາມຄວາມເອົາໃຈໃສ່ດ້ານຄວາມໝັ້ນຄົງຂອງຈີນຢ່າງຖືກຕ້ອງ ແລະຢຸດຕິການຕິດຕັ້ງລະບົບ "ທັດ".
 |
