ກະຊວງພາຍໃນໄທເປີດເຜີຍໃນວັນທີ 14 ສິງຫານີ້ວ່າ, ນັບແຕ່ຕົ້ນເດືອນກໍລະກົດເຖິງປັດຈຸບັນ, ຢູ່ພາກຕາເວັນອອກສຽງເໜືອແລະພາກເໜືອໄດ້ເກີດໄພນ້ຳຖ້ວມຢ່າງຮຸນແຮງ ສົ່ງຜົນສະທ້ອນຕໍ່ 44 ແຂວງ ແລະມີ 32 ຄົນເສຍຊີວິດ.
ທ່ານ ຊາດຊາຍ ປົມເລີດ ຫົວໜ້າກົມປ້ອງກັນແລະຫຼຸດໄພກະຊວງພາຍໃນໄທ ກ່າວໃນມື້ດຽວກັນວ່າ, ມາຮອດປັດຈຸບັນ, ໄພນ້ຳຖ້ວມຄັ້ງນີ້ ສ້າງຄວາມເດືອດຮ້ອນໃຫ້ແກ່ປະຊາຊົນ 1 ລ້ານ 8 ແສນ 5 ໝື່ນຄົນ, ເຮືອນຊານ 4129 ຫຼັງ, ສັດລ້ຽງເກືອບ 8 ແສນໂຕ ແລະເນື້ອທີ່ການຜະລິດ 6 ແສນກວ່າເຮັກຕາ. ໃນນັ້ນ, ແຂວງສະກົນນະຄອນ ປະສົບໄພຮ້າຍແຮງທີ່ສຸດ ໂດຍມີ 11 ຄົນເສຍຊີວິດ ແລະມີເນື້ອທີ່ການຜະລິດຫຼາຍກວ່າ 1 ແສນເຮັກຕາເສຍຫາຍ.
ປັດຈຸບັນ, ໄພນ້ຳຖ້ວມຢູ່ເຂດສ່ວນໃຫຍ່ໄດ້ຫຼຸດຜ່ອນລົງແລ້ວ, ແຕ່ຍັງສືບຕໍ່ຢູ່ 8 ແຂວງ ໂດຍພາກສ່ວນທີ່ກ່ຽວຂ້ອງແລະກອງທັບໄທພວມອອກແຮງຊ່ວຍເຫຼືອຜູ້ປະສົບໄພ.