ຕາມຂ່າວສານຈີນ: ພິທີມອບໃບຢັ້ງຢືນຮັບນັກສຶກສາທີ່ໄດ້ຮັບທຶນການສຶກສາຈາກລັດຖະບານຈີນໃນສົກຮຽນປີ 2017-2018 ໄດ້ຈັດຂຶ້ນຢູ່ນະຄອນຫຼວງພະນົມເປັນປະເທດກຳປູເຈຍໃນວັນທີ 14 ສິງຫານີ້.
ໂອກາດດັ່ງກ່າວ, ທ່ານ ຊົງໂປ່ ເອກອັກຄະລັດຊະທູດຈີນຈີນປະຈຳກຳປູເຈຍ ກ່າວວ່າ, "ຍຸດທະສາດ 4 ແຈ" ແຫ່ງການພັດທະນາຊາດກຳປູເຈຍ ໄດ້ຖືເອົາການສ້າງຊັບພະຍາກອນມະນຸດ ເປັນໜຶ່ງໃນເສົາຄ້ຳທີ່ສຳຄັນ, ສ່ວນການຮ່ວມມືດ້ານການສຶກສາ ແມ່ນຂົງເຂດທີ່ສຳຄັນໃນການຮ່ວມມືວັດທະນະທຳລະຫວ່າງຈີນກັບກຳປູເຈຍ ເຊິ່ງຈີນໄດ້ໃຫ້ຄວາມສຳຄັນສູງຕະຫຼອດມາ. ແນວໃດກໍດີ, ຫວັງວ່າ ນັກສຶກສາກຳປູເຈຍທີ່ຮຽນຢູ່ຈີນ ຈະສາມາດຊອກຮູ້ປະຫວັດສາດວັດທະນະທຳໄດ້ຢ່າງເລິກເຊິ່ງແລະການປະຕິບັດຕົວຈິງທີ່ໃຫຍ່ໂຕມະໂຫລານໃນປັດຈຸບັນຂອງຈີນ ໃນຂະນະທີ່ຮຽນຮູ້ວິຊາສະເພາະ ແລະກາຍເປັນຂົວຕໍ່ໃນການເພີ່ມຄວາມເຂົ້າໃຈກັນແລະຕິດຕໍ່ພົວພັນກັນລະຫວ່າງປະຊາຊົນສອງຊາດ.
ທ່ານ ຮາງຊູນນາຣົນ ລັດຖະມົນຕີກະຊວງການສຶກສາ, ຊາວໜຸ່ມແລະກິລາກຳປູເຈຍ ໄດ້ສະແດງຄວາມຂອບໃຈລັດຖະບານຈີນທີ່ມອບທຶນການສຶກສາໃຫ້ແກ່ນັກສຶກສາປະເທດຕົນ ແລະໄດ້ຊ່ວຍລັດຖະບານປະເທດຕົນປະຕິບັດແຜນການພັດທະນາອຸດສາຫະກຳແຕ່ປີ 2015-2025 ຢ່າງມີປະສິດທິພາບ.