ກະຊວງການເງິນອາເມລິກາເປີດເຜີຍໃນວັນທີ 15 ສິງຫານີ້ວ່າ: ຈີນໄດ້ກາຍເປັນປະເທດເຈົ້າໜີ້ໃຫຍ່ອັນດັບໜຶ່ງຂອງປະເທດຕົນອີກໃນເດືອນມິຖຸນາປີນີ້ ຫຼັງຊື້ໜີ້ປະເທດຕົນເພີ່ມ 5 ເດືອນຕິດຕໍ່ກັນ.
ໃນວັນດັ່ງກ່າວ, ກະຊວງການເງິນອາເມລິກາ ໄດ້ເປີດເຜີຍບົດລາຍງານທຶນໝູນວຽນສາກົນ ໂດຍສະແດງໃຫ້ເຫັນວ່າ ຮອດເດືອນມິຖຸນາຜ່ານມາ, ຈີນຊື້ໜີ້ສິນປະເທດຕົນ 1.146 ຕື້ 500 ລ້ານໂດລາສະຫະລັດ ເພີ່ມຂຶ້ນ 44 ຕື້ 300 ລ້ານໂດລາສະຫະລັດເມື່ອທຽບໃສ່ເດືອນພຶດສະພາປີດຽວກັນ ແລະ ນັບແຕ່ເດືອນກຸມພາປີນີ້ເປັນຕົ້ນມາ, ຈີນໄດ້ຊື້ໜີ້ສິນອາເມລິກາເພີ່ມ 5 ເດືອນຕິດຕໍ່ກັນ ເຊິ່ງລວມແລ້ວໄດ້ຊື້ເພີ່ມ 95 ຕື້ 400 ລ້ານໂດລາສະຫະລັດ.
ບົດລາຍງານດັ່ງກ່າວລະບຸຕື່ມວ່າ ແຕ່ກ່ອນຍີ່ປຸ່ນເປັນປະເທດເຈົ້າໜີ້ໃຫຍ່ອັນດັບໜຶ່ງຂອງອາເມລິກາ, ແຕ່ໃນເດືອນມິຖຸນາໄດ້ຫຼຸດໜີ້ສິນອາເມລິກາລົງອີກ 20 ຕື້ 500 ລ້ານໂດລາສະຫະລັດ ໂດຍເຫຼືອ 1.090 ຕື້ 800 ລ້ານໂດລາສະຫະລັດ.
