ສະຫະບໍລິສັດທີ່ປະກອບດ້ວຍກຸ່ມບໍລິສັດທາງລົດໄຟຈີນຈຳກັດ ຫຼື CREC ແລະບໍລິສັດຫຸ້ນສ່ວນເຕັກນິກການບິນຈີນຈຳກັດ ຫຼື AVIC INTL ໄດ້ເຊັນສັນຍາໂຄງການທາງລົດໄຟລາງເບົາຂອງເມືອງ 10th of Ramadan ກັບອົງການອຸໂມງແຫ່ງຊາດເອຢິບຢູ່ທຳນຽບນາຍົກລັດຖະມົນຕີໃນວັນທີ 15 ສິງຫານີ້ຕາມເວລາທ້ອງຖິ່ນ ໂດຍຜູ້ຕາງໜ້າສະຫະບໍລິສັດ CREC-AVIC INTL ແລະປະທານອົງການອຸໂມງແຫ່ງຊາດເອຢິບ ໄດ້ຕາງໜ້າຝ່າຍຮັບເໝົາແລະເຈົ້າຂອງໂຄງການລົງນາມໃນສັນຍາດັ່ງກ່າວ ເຊິ່ງເປັນຂີດໝາຍສະແດງໃຫ້ເຫັນວ່າອຸປະກອນຄົມມະນາຄົມທາງລົດໄຟຈີນຈະເຂົ້າສູ່ເອຢິບເປັນຄັ້ງທຳອິດ.
ຂ່າວແຈ້ງວ່າ, ໂຄງການດັ່ງກ່າວ ປະກອບມີການສ້າງລາງເບົາໄຟຟ້າສາຍຄູ່ທີ່ອອກແບບຄວາມໄວ 120 ກິໂລແມັດຕໍ່ຊົ່ວໂມງແລະຍາວທັງໝົດ 66 ກິໂລແມັດແລະສະຖານີ 11 ແຫ່ງ. ທັງນີ້, ຫຼັງສ້າງສຳເລັດແລ້ວ, ລາງເບົາສາຍນີ້ຈະຫຼຸດຜ່ອນຄວາມແອອັດຄົມມະນາຄົມຢູ່ເຂດໃຫຍ່ເລີແກຢ່າງບັງເກີດຜົນ, ອຳນວຍຄວາມສະດວກໃນການສັນຈອນປະຈຳວັນຂອງປະຊາຊົນເກືອບ 5 ລ້ານຄົນຢູ່ເມືອງອ້ອມແອ້ມຫຼາຍແຫ່ງ ແລະຍັງຈະຊຸກຍູ້ການປະກອບອາຊີບແລະການພັດທະນາຂະແໜງການການກໍ່ສ້າງຂອງທ້ອງຖິ່ນຕື່ມອີກ.
 |
