ວັນທີ 16 ສິງຫານີ້, ກະຊວງການຕ່າງປະເທດຈີນໄດ້ຕອບໂຕ້ອາເມລິກາທີ່ໄດ້ເຜີຍແຜ່ບົດລາຍງານຕຳໜິນະໂຍບາຍສາສະໜາຂອງຈີນເມື່ອບໍ່ດົນມານີ້ ໂດຍທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນ ໄດ້ຊີ້ໃຫ້ເຫັນໃນພິທີຖະແຫຼງຂ່າວໃນວັນດັ່ງກ່າວວ່າ: ຈີນເຕືອນອາເມລິກາໃຫ້ເຄົາລົບຄວາມເປັນຈິງ, ເຮັດວຽກຂອງຕົນໃຫ້ດີ ແລະ ຢຸດຕິການແຊກແຊງວຽກງານພາຍໃນປະເທດອື່ນ ໂດຍອ້າງບັນຫາສາສະໜາ.
ທ່ານນາງຮວ້າຊຸ່ນຢິງ ກ່າວຕື່ມວ່າ: ລັດຖະບານຈີນເຄົາລົບເສລີພາບຂອງປະຊາຊົນໃນການເຊື່ອຖື ຫຼື ບໍ່ເຊື່ອຖືສາສະໜາຢ່າງເຕັມສ່ວນ ທັງປົກປ້ອງເສລີພາບດັ່ງກ່າວຕາມກົດໝາຍ, ຂະນະທີ່ປະຊາຊົນບັນດາຊົນເຜົ່າ ແລະບັນດາທ້ອງຖິ່ນທົ່ວປະເທດຈີນລ້ວນແຕ່ມີເສລີພາບຢ່າງເຕັມທີ່ໃນການເຊື່ອຖື ຫຼື ບໍ່ເຊື່ອຖືສາສະໜາ. ແຕ່ອາເມລິກາພັດບໍ່ຫົວຊາຕໍ່ຄວາມເປັນຈິງ, ກັບດຳເປັນຂາວ ແລະ ຕຳໜິເສລີພາບທາງສາສະໜາຂອງຈີນຢ່າງບໍ່ມີເຫດຜົນ ເຊິ່ງເລື່ອງນີ້ຈີນຈະເດັດດ່ຽວຄັດຄ້ານຢ່າງແນ່ນອນ ແລະໄດ້ປະທ້ວງອາເມລິກາແລ້ວ.