ງານວາງສະແດງຜົນງານຂອງແມ່ຍິງນັກແຕ້ມແລະຂຽນງາມຈີນ-ມາເລເຊຍຄັ້ງທຳອິດໄດ້ຈັດຂຶ້ນຢູ່ນະຄອນຫຼວງກົວລາລຳເປີໃນວັນທີ 16 ສິງຫານີ້ ໂດຍມີສິລະປິນຫຼາຍສິບຄົນຂອງສອງປະເທດເຂົ້າຮ່ວມ ແລະມີຜົນງານສິລະປະຕ່າງໆຮ້ອຍກວ່າຜົນງານນຳມາວາງສະແດງ.
ທ່ານນາງຂົງຈື ປະທານສະມາຄົມນັກແຕ້ມແມ່ຍິງຈີນ ກ່າວວ່າ: ເມື່ອເບິ່ງປະຫວັດສາດແລ້ວຈະເຫັນໄດ້ວ່າ ໃນໄລຍະປະຫວັດສາດທີ່ຕ່າງກັນ, ນັກແຕ້ມແມ່ຍິງຂອງແຕ່ລະປະເທດລ້ວນແຕ່ໄດ້ສ້າງຜົນງານທີ່ດີເລີດງົດງາມຕະການຕາດ້ວຍຄວາມລະອຽດອ່ອນ ແລະ ຄວາມອ່ອນໂຍນ-ສົດໃສທີ່ມີຢູ່ສະເພາະເພດຍິງ ແລະກາຍເປັນມິ່ງຂວັນສິລະປະອັນລ້ຳຄ່າທີ່ສຸດໃນປະຫວັດອາລະຍະທຳຂອງມະນຸດ. ທ່ານກ່າວຕື່ມວ່າ: ງານວາງສະແດງຜົນງານຮູບແຕ້ມແລະການຂຽນງາມເທື່ອນີ້ ໄດ້ສ້າງໂອກາດໃຫ້ແກ່ສິລະປິນຍິງສອງປະເທດຜູກມິດກັນດ້ວຍການແລກປ່ຽນສິລະປະ ແລະຫວັງວ່າພວກເຮົາຈະສືບຕໍ່ເພີ່ມຄວາມເຂົ້າໃຈກັນ, ຮ່ຳຮຽນແລະຖອດຖອນບົດຮຽນເຊິ່ງກັນແລະກັນ, ເພີ່ມທະວີການຮ່ວມມື ແລະ ຊຸກຍູ້ມິດຕະພາບລະຫວ່າງສອງຝ່າຍໃຫ້ເຂົ້າສູ່ລວງເລິກໃນອະນາຄົດ.
