ຫວ່າງມໍ່ໆມານີ້, ສຳນັກງານເລຂາຄະນະກຳມະການປະຕິບັດງານອາບູດາບີ ນະຄອນຫຼວງສະຫະລັດອາຣັບເອມີເຣດ ໄດ້ເຜີຍແຜ່ບົດລາຍງານ ໂດຍສະແດງໃຫ້ເຫັນວ່າ: ໃນ 6 ເດືອນຕົ້ນປີນີ້, ນັກທ່ອງທ່ຽວຈີນໄປທ່ອງທ່ຽວອາບູດາບີໄດ້ເພີ່ມຂຶ້ນຢ່າງຈະແຈ້ງ ເຊິ່ງຫຼາຍກວ່າຕະຫຼາດນັກທ່ອງທ່ຽວເດີມ ເປັນຕົ້ນ ອິນເດຍ ແລະ ອັງກິດ. ແນວໃດກໍດີ, ອາບູດາບີຈະພະຍາຍາມດຶງດູດນັກທ່ອງທ່ຽວຈີນໃຫ້ໄດ້ເຖິງ 6 ແສນຄົນເມື່ອຮອດປີ 2021.
ຂ່າວລາຍງານຕື່ມວ່າ, ໃນ 4 ປີຜ່ານມາ, ນັກທ່ອງທ່ຽວຈີນທີ່ໄປທ່ຽວອາບູດາບີ ໄດ້ເພີ່ມຂຶ້ນ 5 ເທົ່າ ເຊິ່ງມາຮອດປີ 2016 ໄດ້ເພີ່ມຂຶ້ນເປັນ 230.000 ເທື່ອຄົນ, ຂະນະທີ່ໃນໄຕມາດທຳອິດຂອງປີນີ້, ຈຳນວນນັກທ່ອງທ່ຽວກໍໄດ້ເພີ່ມຂຶ້ນ 48% ເມື່ອທຽບໃສ່ໄລຍະດຽວກັນຂອງປີຜ່ານມາ.