ວັນທີ 15 ສິງຫານີ້, ຫຸ່ນຍົນແຄບຊຸນ ເຊິ່ງເປັນກ້ອງຊ່ອງກະເພາະອາຫານທີ່ຄວບຄຸມໂດຍແມ່ເຫຼັກ ທີ່ຄົ້ນຄວ້າຜະລິດໂດຍບໍລິສັດອ່ານຮ້ານເຕັກນິກປິ່ນປົວຊຽງໄຮຈຳກັດ ໄດ້ຮັບການລົງທຶນຈາກ 6 ອົງການລົງທຶນ ໄດ້ຮ່ວມທຶນ 100 ລ້ານໂດລາສະຫະລັດ ຫວັງເຈາະຕະຫຼາດແລະຄົ້ນຄວ້າຜະລິດຕະພັນໃໝ່.
ເມື່ອທຽບໃສ່ກ້ອງຊ່ອງກະເພາະອາຫານດັ້ງເດີມທີ່ສ້າງຄວາມລຳຄານໃຫ້ແກ່ຄົນເຈັບນັ້ນ, ການໃຊ້ຫຸ່ນຍົນແຄບຊຸນດັ່ງກ່າວບໍ່ຈຳເປັນໃຊ້ທໍ່, ພຽງແຕ່ດື່ມນ້ຳກຶກໜຶ່ງເພື່ອລ່ອງແຄບຊຸນດັ່ງກ່າວລົງທ້ອງ ແລ້ວນອນຢູ່ປະມານ 15 ນາທີເທົ່ານັ້ນ ກໍຖືວ່າໄດ້ສຳເລັດການກວດກະເພາະອາຫານ ໂດຍບໍ່ມີຄວາມເຈັບ, ບໍ່ມີບາດແຜ ແລະກໍບໍ່ຕ້ອງໃຊ້ຢາມຶນ. ຫຼັງຈາກກວດສຳເລັດແລ້ວ, ແຄບຊຸນດັ່ງກ່າວຈະຂັບຖ່າຍອອກນອກຮ່າງກາຍດ້ວຍໂຕເອງ ແລະ ໃນຂັ້ນຕອນການກວດຕ່າງໆ, ແຄບຊຸນຈະປັບກ້ອງຊ່ອງໂດຍອັດຕະໂນມັດ ໂດຍສາມາດກວດກະເພາະອາຫານໄດ້ໝົດ, ຂະຫຍາຍພາບສຳລັບບ່ອນເຈັບ ທັງຖ່າຍພາບແລະສາມາດສະແດງໃຫ້ເຫັນຢູ່ຈໍໂທລະພາບ 3.000 ກວ່າພາບ.
