ທະນາຄານໂລກໄດ້ເຜີຍແຜ່ບົດລາຍງານຫຼ້າສຸດຢູ່ນະຄອນຫຼວງພະນົມເປັນ ປະເທດກຳປູເຈຍໃນວັນທີ 17 ສິງຫານີ້ ໂດຍຊີ້ໃຫ້ເຫັນວ່າ ເສດຖະກິດປະເທດດັ່ງກ່າວສືບຕໍ່ຮັກສາທ່າອ່ຽງພັດທະນາຢ່າງແຂງແຮງທີ່ສຸດ, ຂະນະທີ່ການຫຼຸດຜ່ອນປະຊາກອນຜູ້ທຸກຍາກໄດ້ຮັບຜົນດີສົມຄວນ.
ບົດລາຍງານລະບຸວ່າ: ນັບແຕ່ປີ 1994 ຫາປີ 2015, GDP ຂອງກຳປູເຈຍໄດ້ຮັກສາຈັງຫວະການເຕີບໂຕສະເລ່ຍ 7,6% ຕໍ່ປີ. ຂະນະທີ່ການເຕີບໂຕຂອງເສດຖະກິດກຳປູເຈຍຕົ້ນຕໍໄດ້ປະໂຫຍດຈາກການສົ່ງອອກສິນຄ້າ ແລະ ການພັດທະນາຂະແໜງການບໍລິການ ຄື ອຸດສາຫະກຳເຄື່ອງນຸ່ງ ແລະ ການທ່ອງທ່ຽວ ເຊິ່ງສອງຂົງເຂດດັ່ງກ່າວສາມາດສ້າງວຽກເຮັດງານທຳໄດ້ປະມານ 3 ລ້ານ 6 ແສນຕຳແໜ່ງ. ຂະນະທີ່ປະຊາກອນຢູ່ໃນເກນທຸກຍາກຂອງກຳປູເຈຍ ໄດ້ຫຼຸດຈາກ 47,8% ໃນປີ 2007 ລົງເປັນ 13,5% ໃນປີ 2014.
ບົດລາຍງານຂອງທະນາຄານໂລກ ຍັງລະບຸຕື່ມວ່າ: ຍ້ອນວ່າລາຄາຜະລິດຕະພັນກະສິກຳອ່າວຕ່ຳ ບວກກັບຕົ້ນທຶນແຮງງານເພີ່ມຂຶ້ນ ນີ້ໄດ້ບັງຄັບໃຫ້ກຳປູເຈຍຕ້ອງໄດ້ຍົກກຳລັງການຜະລິດໃຫ້ສູງຂຶ້ນ ເພື່ອເພີ່ມທະວີກຳລັງແຂ່ງຂັນຂອງຜະລິດຕະພັນປະເທດຕົນໃນໂລກ.
