ອຳນາດການປົກຄອງເຂດປົກຄອງຕົນເອງຄາຕາໂລເນຍ ປະເທດແອສປາຍ ໄດ້ຢືນຢັນໃນຕອນຄ່ຳວັນທີ 17 ສິງຫານີ້ວ່າ: ຢູ່ເມືອງບາເຊໂລນາ ໄດ້ເກີດເຫດການຫຼອນໂຈມຕີກໍ່ການຮ້າຍ ໂດຍຜູ້ກໍ່ເຫດໄດ້ຂັບລົດບັນທຸກແລ່ນໄປຕຳຄົນ ໃນວັນດັ່ງກ່າວ ແລະມາຮອດປັດຈຸບັນໄດ້ເຮັດໃຫ້ 13 ຄົນເສຍຊີວິດ ແລະ 80 ຄົນບາດເຈັບ ໃນນີ້ 15 ຄົນບາດເຈັບສາຫັດ.
ທັງນີ້ ໃນຕອນບ່າຍວັນດັ່ງກ່າວ, ຢູ່ທາງຍ່າງ ຣາມບລັສ ເຂດທ່ອງທ່ຽວປະຫວັດສາດທີ່ມີຊື່ສຽງ ຢູ່ໃຈກາງເມືອງບາເຊໂລນາ, ມີລົດບັນທຸກສີຂາວຄັນໜຶ່ງແລ່ນໄປຕຳຄົນຍ່າງດ້ວຍຄວາມໄວສູງ ເຮັດໃຫ້ຫຼາຍຄົນລົ້ມ ຂະນະບາງຜ່ອງທັງຮ້ອງທັງແລ່ນໜີ. ຕໍ່ມາຕຳຫຼວດໄດ້ມາເຖິງຈຸດເກີດເຫດແລະປິດລ້ອມເຂດຖະໜົນດັ່ງກ່າວ, ນຳປະຊາຊົນອອກ ທັງນຳຈັບຜູ້ກໍ່ເຫດທັນທີ. ຂະນະທີ່ຜູ້ເສຍຊີວິດແລະບາດເຈັບນັ້ນໄດ້ຖືກສົ່ງໄປໂຮງໝໍ.
ໃນວັນດຽວກັນ, ກຸ່ມຫົວຮຸນແຮງ IS ໄດ້ຖະແຫຼງໂດຍຜ່ານຂ່າວສານອາມັກ ວ່າ: ເຫດການດັ່ງກ່າວແມ່ນ "ນັກຮົບ" ຂອງອົງການຕົນກໍ່ຂຶ້ນ.