ກອງປະຊຸມສຳມະນາການປົກຄອງປະເທດຂອງປະເທດບຣິກສ໌ ໄດ້ໄຂຂຶ້ນຢູ່ເມືອງຊວນໂຈ່ວແຂວງຟູຈ້ຽນ ສປ ຈີນໃນວັນທີ 17 ສິງຫານີ້ ໂດຍຜູ້ຕາງໜ້າຈາກຈີນ, ຣັດເຊຍ, ອິນເດຍ, ເບຼຊິນ, ອາຟຣິກາໃຕ້ ພ້ອມດ້ວນຕັງຊານີ, ເອທີໂອປີ, ແມັກຊິກ ແລະປະເທດພວມພັດທະນາອື່ນໆໄດ້ລົງເລິກແລກປ່ຽນບົດຮຽນການປົກຄອງລັດ.
ຜູ້ຕາງໜ້າທີ່ຮ່ວມປະຊຸມເຫັນວ່າ, ການທີ່ເພີ່ມທະວີການແລກປ່ຽນບົດຮຽນການປົກຄອງປະເທດນັ້ນ ມີຜົນດີຕໍ່ບັນດາປະເທດບຣິກສ໌ໃນການພັດທະນາຕໍ່ໜ້າ ແລະບັນລຸການພັດທະນາໃຫຍ່ກວ່າເກົ່າ. ປະເທດບຣິກສ໌ ຄວນຊຸກຍູ້ໃຫ້ການແລກປ່ຽນບົດຮຽນກາຍເປັນກົນໄກ ແລະຍົກການມີສ່ວນຮ່ວມໃຫ້ສູງຂຶ້ນ. ການຈັດກອງປະຊຸມສຳມະນານີ້ ໄດ້ສ້າງໂອກາດໃຫ້ແກ່ປະເທດຕ່າງໆໃນການແກ້ໄຂບັນຫາຫຍຸ້ງຍາກດ້ານການພັດທະນາແລະການປົກຄອງ.
ກອງປະຊຸມຄັ້ງນີ້ ແມ່ນໜຶ່ງໃນກິດຈະກຳຕ່າງໆທີ່ສຳຄັນຂອງການພົບປະລະຫວ່າງຜູ້ນຳປະເທດບຣິກສ໌ທີ່ຈະຈັດຂຶ້ນຢູ່ເມືອງເຊ້ຍເມີນ ສປ ຈີນ ໂດຍຜູ້ເຂົ້າຮ່ວມປະຊຸມຈະປຶກສາຫາລືສາມຫົວຂໍ້ຄື: "ລົງເລິກການປະຕິຮູບ, ຮ່ວມມືກັນຊຸກຍູ້ການພັດທະນາຮ່ວມກັນ", "ແລກປ່ຽນຖອດຖອນບົດຮຽນ, ສົ່ງເສີມຄວາມຈະເລີນຮຸ່ງເຮືອງຂອງອາລະຍະທຳຫຼາຍຢ່າງ" ແລະ "ຮ່ວມມືຕ່າງຝ່າຍຕ່າງມີຜົນປະໂຫຍດ, ແກ້ໄຂລະບົບການບໍລິຫານທົ່ວໂລກ."