ວັນທີ 18 ສິງຫານີ້, ໃນໂອກາດພົບປະກັບທ່ານມາຕິນ ອັນດານາ ລັຫົວໜ້າຫ້ອງການຖະແຫຼງຂ່າວຂອງທຳນຽບປະທານາທິບໍດີຟີລິບປີນຢູ່ນະຄອນຫຼວງມະນີລາ, ທ່ານໂກ່ວເວີ້ຍມິນ ຮອງຫົວໜ້າຫ້ອງການຖະແຫຼງຂ່າວຂອງລັດຖະບານຈີນກ່າວວ່າ, ຫວັງໃຫ້ສອງປະເທດຮ່ວມກັນກ້າວໄປໜ້າໃນອະນາຄົດ, ເຮັດໃຫ້ການຮ່ວມມືຢ່າງແທ້ຈິງລະຫວ່າງສື່ມວນຊົນສອງປະເທດລົງສູ່ລວງເລິກຢ່າງບໍ່ຢຸດຢັ້ງ.
ທ່ານໂກ່ວເວີ້ຍມິນກ່າວວ່າ, ປີຜ່ານມາຫ້ອງການຖະແຫຼງຂ່າວລັດຖະບານຈີນແລະຫ້ອງການຖະແຫຼງຂ່າວທຳນຽບປະທານາທິບໍດີຟີລິບປີນໄດ້ຮ່ວມກັນລົງນາມໃນ "ບົດບັນທຶກຊ່ວຍຈຳກ່ຽວກັບຂ່າວ, ການແລກປ່ຽນຂໍ້ມູນຂ່າວສານ, ການອົບຮົມແລະວຽກງານອື່ນໆ", ຫຼັງຈາກນັ້ນ, ການຮ່ວມມືລະຫວ່າງສອງປະເທດໃນຂົງເຂດຂ່າວໄດ້ມີການພັດທະນາຢ່າງວ່ອງໄວ, ຫວັງວ່າສອງຝ່າຍສາມາດຮ່ວມກັນກ້າວໄປໜ້າໃນອະນາຄົດ, ລົງເລິກການຮ່ວມມືຢ່າງແທ້ຈິງລະຫວ່າງສື່ມວນຊົນທັງສອງຝ່າຍຢ່າງບໍ່ຢຸດຢັ້ງ.
ທ່ານອັນດານາ ກ່າວວ່າ, ປະເທດຕົນຍິນດີປະຕິບັດຄວາມເປັນເອກະພາບດ້ານການເພີ່ມທະວີການແລກປ່ຽນດ້ານວັດທະນະທຳລະຫວ່າງສອງປະເທດຕື່ມອີກ, ແນະນຳການພັດທະນາເສດຖະກິດສັງຄົມແລະວັດທະນະທຳອັນເປັນມູນເຊື້ອຂອງຈີນໃຫ້ປະຊາຊົນປະເທດຕົນຊາບຢ່າງດີກວ່າເກົ່າ, ແລະແນະນຳຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທີ່ຈີນເປັນຜູ້ລິເລີ່ມໃຫ້ດີກວ່າເກົ່າ.