ທ່ານໂຣເປີດ ໄລດ໌ຮິເຈີ ຜູ້ຕາງໜ້າການຄ້າອາເມລິກາເປີດເຜີຍໃນວັນທີ 18 ສິງຫານີ້ວ່າ, ປະເທດຕົນເລີ່ມກໍ່ການສຳຫຼວດ 301 ຕໍ່ຈີນຢ່າງເປັນທາງການ.
ຈີນຄັດຄ້ານອາເມລິກາທີ່ໃຊ້ອາວຸດດ້ານກົດໝາຍລັດທິຝ່າຍດຽວທີ່ລະເມີດລະບຽບການອົງການການຄ້າໂລກ.
ອັນທີ່ເອີ້ນວ່າ "ການສຳຫຼວດ 301" ແມ່ນມາຈາກຂໍ້ມາດດາທີ 301 ໃນກົດໝາຍວ່າດ້ວຍການຄ້າສະບັບປີ 1974 ຂອງອາເມລິກາ. ຂໍ້ມາດຕາດັ່ງກ່າວມອບສິດໃຫ້ຜູ້ຕາງໜ້າການຄ້າອາເມລິກາສາມາດດຳເນີນການສຳຫຼວດຕໍ່ "ການກະທຳດ້ານການຄ້າທີ່ບໍ່ສົມເຫດສົມຜົນຫຼືບໍ່ຍຸຕິທຳ" ຂອງປະເທດອື່ນໄດ້, ແລະສາມາດສະເໜີໃຫ້ປະທານາທິບໍດີອາເມລິກາປະຕິບັດການຂວ້ຳບາດແຕ່ຝ່າຍດຽວຫຼັງສຳເລັດການສຳຫຼວດ, ລວມທັງຍົກເລີກຂໍ້ສະດວກພິເສດດ້ານການຄ້າ, ເກັບພາສີແກ້ແຄ້ນແລະອື່ນໆ.
ອີງຕາມລະບຽບການກົດໝາຍ, ຫຼັງດຳເນີນການສຳຫຼວດຢ່າງເປັນທາງການແລ້ວ, ອາເມລິກາຈະປຶກສາຫາລືກັບລັດຖະບານຈີນກ່ອນ, ລະບຽບການສຳຫຼວດຈະດຳເນີນເປັນເວລາໜຶ່ງປີ.