ໜັງສືພິມເສດຖະກິດລາຍວັນຂອງຈີນລາຍງານໂດຍອີງຕາມການເປີດເຜີຍຂອງບໍລິສັດທາງລົດໄຟຈີນເປີດເຜີຍວ່າ, ທາງລົດໄຟທົ່ວປະເທດຈະນຳໃຊ້ແຜນຜັງບໍລິການລົດໄຟສະບັບໃໝ່ໃນວັນທີ 21 ກັນຍາປີນີ້ໂດຍຈະເພີ່ມຈຳນວນຂະບວນລົດໄຟຂົນສົ່ງບໍລິການຕາມເສັ້ນທາງລົດໄຟສ່ວນໜຶ່ງແລະເມື່ອເຖິງເວລານັ້ນ, ຂະບວນລົດໄຟEMU "ຟູຊິງ"ຈະເປັນຂະບວນລົດໄຟທຳອິດທີ່ເປີດບໍລິການດ້ວຍຄວາມໄວສູງເຖິງ 350 ກິໂລແມັດຕໍ່ຊົ່ວໂມງຕາມທາງລົດໄຟຄວາມໄວສູງປັກກິ່ງ-ຊຽງໄຮ. ຈາກນີ້ ຈີນຈະກາຍເປັນປະເທດທີ່ເປີດບໍລິການລົດໄຟຄວາມໄວສູງສຸດໃນໂລກ.
ເດືອນກໍລະກົດຜ່ານມາ, ຈີນໄດ້ຈັດຕັ້ງຊ່ຽວຊານກວດກາການແລ່ນລົດດ້ວຍຄວາມໄວ 350 ກິໂລແມັດຕໍ່ຊົ່ວໂມງ, ການສຶກສາຄວາມເປັນໄປໄດ້ແລະການປະເມີນຄວາມປອດໄພການແລ່ນ ຂອງຂະບວນລົດໄຟEMU "ຟູຊິງ" ແລະຜົນການພິສູດຕາມຫຼັກວິທະຍາສາດແລະການປະເມີນຮອບດ້ານຢ່າງເປັນລະບົບສະແດງໃຫ້ເຫັນວ່າ ທາງລົດໄຟຄວາມໄວສູງປັກກິ່ງ-ຊຽງໄຮ້ສາມາດຕອບສະໜອງຕາມຄວາມຮຽກຮ້ອງຕ້ອງການຂອງການແລ່ນ ດ້ວຍຄວາມໄວເຖິງ 350 ກິໂລແມັດຕາມການອອກແບບ. ເລີ່ມແຕ່ວັນທີ 21 ກັນຍາປີນີ້ເປັນຕົ້ນໄປ, ຂະແໜງການທາງລົດໄຟຈະຈັດ ຂະບວນລົດໄຟEMU "ຟູຊິງ" 14 ຂະບວນເປີດບໍລິການຂົນສົ່ງຕາມຄວາມໄວດັ່ງກ່າວໃນທາງລົດໄຟຄວາມໄວສູງປັກກິ່ງ-ຊຽງໄຮ້ ເຊິ່ງລະຫວ່າງປັກກິ່ງ-ຊຽງໄຮໂດຍຈະໃຊ້ເວລາປະມານ 4 ຊົ່ວໂມງເຄິ່ງ.
 |
