ວັນທີ 17 ສິງຫານີ້, ເຈົ້າໜ້າທີ່ຕຳຫຼວດຟີລິບປິນໃຫ້ຮູ້ວ່າ: ຕຳຫຼວດໄດ້ປະຕິບັດຕາມກົດໝາຍ 40 ເທື່ອຢູ່ຫຼາຍແຫ່ງໃນນະຄອນຫຼວງມະນີລາ ໂດຍສາມາດຍິງຜູ້ກໍ່ອາຊະຍາກຳ 25 ຄົນເສຍຊີວິດ ແລະຈັບໄດ້ 70 ຄົນ.
ເຈົ້າໜ້າທີ່ຕຳຫຼວດຟີລິບປິນກ່າວຕື່ມວ່າ: ຜູ້ເສຍຊີວິດທີ່ຖືກຍິງນັ້ນເປັນຜົນມາຈາກການຂັດຂືນແລະປະທະກັບຕຳຫຼວດ. ໃນຈຳນວນຜູ້ເສຍຊີວິດ 25 ຄົນນັ້ນ, 14 ຄົນຖືກສົງໄສມີສ່ວນກ່ຽວຂ້ອງກັບການຄ້າຢາເສບຕິດ ແລະ 11 ຄົນຖືກສົງໄສໃຊ້ອາວຸດປືນໃນການປຸ້ນຈີ້. ຂະນະດຽວກັນ, ຍັງໄດ້ຈັບຜູ້ຖືກສົງໄສມີສ່ວນກ່ຽວຂ້ອງກັບຢາເສບຕິດ 70 ຄົນຕາມຄຳສັ່ງຈັບຈາກສານປະເທດຕົນ. ຂະນະທີ່ເຈົ້າໜ້າທີ່ຕຳຫຼວດເຂດມະນີລາກ່າວວ່າ: ການປະຕິບັດຕາມກົດໝາຍຂະໜາດໃຫຍ່ໃນເວລາດຽວກັນຄືດັ່ງກ່າວກໍເພື່ອສະກັດກັ້ນການຄ້າຢາເສບຕິດຜິດກົດໝາຍຢູ່ນະຄອນຫຼວງໃຫ້ມີປະສິດທິຜົນ.