ທະນາຄານແຫ່ງຊາດມາເລເຊຍອອກຖະແຫຼງການຫວ່າງມໍ່ໆມານີ້ວ່າ, ການເຕີບໂຕເສດຖະກິດຂອງມາເລເຊຍໃນໄຕມາດທີສອງສູງກວ່າຄາດໝາຍ, ໂດຍລວມຍອດຜະລິດຕະພັນພາຍໃນ ຫຼື GDP ຂອງປະເທດຕົນບັນລຸເຖິງ 5,8%. ແລະເນື່ອງຈາກເສດຖະກິດເຕີບໂຕເປັນຢ່າງດີໃນ 2 ໄຕມາດຕົ້ນປີນີ້, ຄາດວ່າໝົດປີເສດຖະກິດຈະເຕີບໂຕຫຼາຍກວ່າ 4,8%.
ຖະແຫຼງການລະບຸວ່າ, ຍ້ອນໄດ້ຮັບຈາກການສົ່ງອອກສິນຄ້າ, ການບໍລິການແລະຂະແໜງການຜະລິດເພີ່ມຂຶ້ນ, ການເຕີບໂຕເສດຖະກິດໃນໄຕມາດທີສອງຈຶ່ງບັນລຸຫຼາຍກວ່າໄຕມາດທີໜຶ່ງ 5,6%. ຂະນະທີ່ການສະໜອງສິນຄ້າ, ເຊິ່ງຂະແໜງການຕົ້ນຕໍໄດ້ຂະຫຍາຍຕົວຢ່າງຮອບດ້ານ, ຈຶ່ງເຮັດໃຫ້ເສດຖະກິດເຕີບໂຕ. ແລະເນື່ອງຈາກວ່າເສດຖະກິດໃນ 6 ເດືອນຕົ້ນປີນີ້ເຕີບໂຕ 5,7%, ຈຶ່ງຄາດວ່າໝົດປີນີ້ເສດຖະກິດຈະເຕີບໂຕຫຼາຍກວ່າ 4,8%.
ກ່ອນໜ້ານີ້ລັດຖະບາດມາເລເຊຍຄາດວ່າ, ການເຕີບໂຕເສດຖະກິດຂອງປະເທດຕົນໃນປີ 2017 ຈະຢູ່ລະຫວ່າງ 4,3% - 4,8%.
 |
