ໂຮງໝໍສະມາດ ເຊິ່ງເປັນສູນຊ່ວຍປິ່ນປົວດ້ວຍ AI ແຂວງອ່ານຮຸ່ຍ ທີ່ສ້າງຂຶ້ນໂດຍບໍລິສັດຫຸ້ນສ່ວນ iflytech ຈຳກັດແລະໂຮງໝໍແຂວງອ່ານຮຸ່ຍນັ້ນ ໄດ້ເປີດນຳໃຊ້ປ້າຍຢູ່ເມືອງເຮີເຟີຍ ເທດສະບານແຂວງອ່ານຮຸ່ຍໃນຕອນເຊົ້າວັນທີ 20 ສິງຫານີ້ ເຊິ່ງເປັນຂີດໝາຍສະແດງໃຫ້ເຫັນວ່າສູນຊ່ວຍປິ່ນປົວດ້ວຍ AI ແຫ່ງທຳອິດຂອງຈີນ ໄດ້ເລີ່ມເປີດບໍລິການຢ່າງເປັນທາງການ.
ຂ່າວແຈ້ງວ່າ, ໂຮງໝໍດັ່ງກ່າວຈະນຳໃຊ້ເຕັກນິກຈຳແນກດ້ວຍພາບແພດສາດ ແລະ ເຕັກນິກສະມາດ AI ເພື່ອບັນລຸການບໍລິການຕ່າງໆ ເປັນຕົ້ນ: ຊ່ວຍບົ່ງມະຕິພະຍາດແລະການຄວບຄຸມຄຸນນະພາບຂອງການບົ່ງມະຕິພະຍາດດ້ວຍພາບແພດສາດ, ການຊ່ວຍບົ່ງມະຕິແລະປິ່ນປົວດ້ວຍເຕັກນິກ AI, ປຶ້ມບັນທຶກປະຫວັດການເປັນພະຍາດແບບຟາຍສຽງເອເລັກໂຕຣນິກ, ການນຳພາການປິ່ນປົວທີ່ແນ່ນອນ, ການຕິດຕາມອາການພະຍາດຫຼັງປິ່ນປົວຢ່າງສະມາດ ແລະອື່ນໆ, ນຳໃຊ້ເຕັກນິກ AI ເພື່ອໃຫ້ການບໍລິການອອນໄລໃຫ້ແກ່ໂຮງໝໍຂັ້ນຕ່າງໆໂດຍຜ່ານສາຍເຊື່ອມຕໍ່ກັບສູນດັ່ງກ່າວ.
 |
