ວັນທີ 21 ສິງຫານີ້ ຢູ່ນະຄອນຫຼວງປັກກິ່ງ, ທ່ານ ສູ້ສີລ້ຽງ ຮອງປະທານຄະນະກຳມະການການທະຫານສູນກາງຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານ ຊຸງຊຳນັງ ຜູ້ບັນຊາການກອງທັບອາກາດກຳປູເຈຍ.
ທ່ານ ສູ້ສີລ້ຽງ ກ່າວວ່າ: ມິດຕະພາບລະຫວ່າງຈີນ-ກຳປູເຈຍມີມາແຕ່ດົນນານ ທັງໄດ້ຜ່ານຜ່າຄວາມຫຍຸ້ງຍາກຈາກການຜັນແປທີ່ສະຫຼັບສັບສົນຂອງສະຖານະການສາກົນ, ແມ່ນຊັບສົມບັດອັນລ້ຳຄ່າຂອງປະຊາຊົນສອງປະເທດ. ຈີນຂອບໃຈກຳປູເຈຍທີ່ໄດ້ສະໜັບສະໜູນບັນຫາທີ່ມີສ່ວນກ່ຽວຂ້ອງກັບຜົນປະໂຫຍດໃຈກາງຂອງຈີນ. ປັດຈຸບັນ, ການພົວພັນແລະການຮ່ວມມືລະຫວ່າງກອງທັບຂອງສອງປະເທດໄດ້ພັດທະນາເຂົ້າສູ່ລວງເລິກຢ່າງຕໍ່ເນື່ອງ ແລະມີປະສິດທິຜົນຫຼາຍຂຶ້ນ. ຈາກນີ້ຈຶ່ງຫວັງວ່າກອງທັບອາກາດຂອງສອງປະເທດຈະສືບຕໍ່ຮັກສາການແລກປ່ຽນແລະການຮ່ວມມືທີ່ດີ,ປະກອບສ່ວນເຂົ້າໃນການເສີມຂະຫຍາຍສາຍພົວພັນລະຫວ່າງກອງທັບສອງປະເທດ.
ທ່ານ ຊຸງຊຳນັງ ກ່າວວ່າ: ກຳປູເຈຍຂອບໃຈຈີນທີ່ໄດ້ຊ່ວຍເຫຼືອແລະສະໜັບສະໜູນແບບບໍ່ເຫັນແກ່ຕົວໃນໄລຍະຜ່ານມາ ເຊິ່ງກອງທັບອາກາດກຳປູເຈຍຫວັງເພີ່ມທະວີການຮ່ວມມືກັບຈີນ ເພື່ອຊຸກຍູ້ການພົວພັນລະຫວ່າງສອງກອງທັບໃຫ້ຂະຫຍາຍຕົວຢ່າງບໍ່ຢຸດຢັ້ງ.
