ຫວ່າງມໍ່ໆມານີ້, ສະຖານກົງສຸນຈີນປະຈຳເຕນປະຊາ ປະເທດອິນໂດເນເຊຍ ໄດ້ຈັດກິດຈະກຳ, ຕ້ອນຮັບຄະນະນັກຂ່າວໜຸ່ມນ້ອຍຈຳນວນ 24 ຄົນທີ່ມາຈາກໜັງສືພິມຫວັ້ນຊີລາຍວັນເມືອງລິ້ວອ່ານແຂວງອ່ານຫຸ່ຍຂອງຈີນ, ໃນງານມີການວາງສະແດງຮູບຖ່າຍກ່ຽວກັບສາຍພົວພັນລະຫວ່າງຈີນ-ອິນໂດເນເຊຍແລະກິດຈະກຳອື່ນໆທີ່ຈັດຂຶ້ນໂດຍສະຖານກົງສຸນດັ່ງກ່າວ.
ທ່ານຫູຢິນສວນ ຫົວໜ້າສະຖານກົງສຸນໃຫຍ່ຈີນປະຈຳເຕນປະຊາແລະນັກການທູດທ່ານອື່ນໆໄດ້ສົນທະນາແລກປ່ຽນກັບນັກຂ່າວໜຸ່ມນ້ອຍທັງຫຼາຍຢ່າງສະໜິດສະໜົມ.
ທ່ານຫູຢິນສວນໄດ້ກ່າເຖິງສະພາບການພັດທະນາສາຍພົວພັນມິດຕະພາບລະຫວ່າງຈີນກັບອິນໂດເນເຊຍ, ແລະສະພາບການພື້ນຖານຂອງສະຖານກົງສຸນຈີນປະຈຳເຕນປະຊາຕັ້ງແຕ່ໄລຍະສ້າງຕັ້ງຂຶ້ນມານີ້. ທ່ານຍັງໄດ້ກ່າວເຖິງສຳນວນສຸພາສິດຂອງຈີນທີ່ວ່າ "ອ່ານປຶ້ມໝື່ນເຫຼັ້ມແລະຍ່າງໝື່ນກິໂລ", ເມື່ອນັກຂ່າວໜຸ່ມນ້ອຍທັງຫຼາຍອອກຈາກປະເທດ, ມີໂອກາດແລກປ່ຽນກັບບຸກຄົນຂອງປະເທດຕ່າງໆໂດຍກົງ, ໄດ້ຮັບຮູ້ແລະເຂົ້າໃຈວັດທະນະທຳ ປະຫວັດສາດແລະທິວທັດທຳມະຊາດຂອງປະເທດແລະຊົນຊາດອື່ນ, ມັນຍ່ອມມີຜົນດີອັນໃຫຍ່ຫຼວງຕໍ່ການເຕີບໃຫຍ່ຂອງທຸກຄົນໃນອະນາຄົດ. ຫຼັງກັບຄືນສູ່ປະເທດແລ້ວ, ກໍສາມາດແບ່ງປັນສິ່ງໄດ້ຮູ້ໄດ້ເຫັນແລະປະສົບການຂອງຕົນໃຫ້ແກ່ໝູ່ເພື່ອນຂອງຕົນ, ແລະປະກອບສ່ວນເຂົ້າໃນສາຍພົວພັນມິດຕະພາບລະຫວ່າງຈີນກັບອິນໂດເນເຊຍ.