ວັນທີ 21 ສິງຫານີ້, ຊາວບ້ານແຂວງກຳປົງສເປີປະເທດກຳປູເຈຍບອກນັກຂ່າວວ່າ, ຄົນຈີນໄດ້ມາຂຸດສ້າງໃຫ້ແລ້ວ, ດີໃຈຫຼາຍ ແລະຕໍ່ໄປບໍ່ຈຳເປັນຕ້ອງໄປຊື້ນ້ຳມາບໍລິໂພກອີກແລ້ວ.
ເຈົ້າໜ້າທີ່ກົມສະໜອງນ້ຳກະຊວງພັດທະນາຊົນນະບົດກຳປູເຈຍເປີດເຜີຍວ່າ, ປະຊາຊົນຢູ່ຊົນນະບົດໃນປະເທດຕົນ 50% ຍັງຂາດນ້ຳບໍລິໂພກ ແລະດ້ວຍຄວາມເປັນຈິງຄືດັ່ງກ່າວ, ເດືອນກັນຍາປີ 2016, ກະຊວງພັດທະນາຊົນນະບົດກຳປູເຈຍໄດ້ສະເໜີຕໍ່ກະຊວງການຄ້າຈີນໃຫ້ຂຸດນ້ຳສ້າງ 6423 ໜ໋ວຍ, ອ່າງນ້ຳທຳມະດາ 550 ແຫ່ງ ແລະອ່າງນ້ຳປ້ອງກັນ 100 ແຫ່ງໃຫ້ເຂດຊົນນະບົດ 19 ແຂວງໃນປະເທດຕົນ ແລະແບ່ງເປັນ 3 ໄລຍະປະຕິບັດໃນເວລາ 3 ປີ.
ທ່ານເສິນຈ້ຽນສ່າງ ອຳນວຍການໃຫຍ່ໂຄງການໄລຍະທຳອິດຂອງບໍລິສັດ CNNC ຂອງຈີນທີ່ຮັບຜິດຊອບໂຄງການດັ່ງກ່າວເປີດເຜີຍວ່າ, ໄດ້ເລີ່ມໂຄງການດັ່ງກ່າວຢູ່ 6 ແຂວງຂອງປະເທດກຳປູເຈຍພ້ອມກັນ ແລະປັດຈຸບັນ, ນ້ຳສ້າງ 95 ໜ່ວຍມີນ້ຳແລ້ວ ແລະຄາດວ່າປີນີ້ຈະໃຫ້ສຳເລັດ 846 ໜ່ວຍ ເຊິ່ງຈະເຮັດໃຫ້ຊາວຊົນນະບົດກຳປູເຈຍເກືອບ 5 ໝື່ນຄົນໄດ້ຮັບຜົນປະໂຫຍດ.