ມາເລເຊຍແລະສິງກະໂປ ຕ່າງກໍກ່າວໃນວັນທີ 21 ສິງຫານີ້ວ່າ, ໄດ້ສົ່ງກຳລັງເຂົ້າຮ່ວມຊອກຄົ້ນທະຫານເຮືອປະຈຳກຳປັ່ນຂັບໄລ່ຂີປະນາວຸດ "ຈອນ ແມັກແຄອິນ" ຂອງກອງທັບເຮືອອາເມລິກາ.
ລັດຖະບານສິງກະໂປໄດ້ອອກແຈ້ງການໃນມື້ດັ່ງກ່າວວ່າ, ປະເທດຕົນກຳລັງຊ່ວຍເຫຼືອ ໂດຍກອງທັບອາກາດໄດ້ສົ່ງເຮລີກົບແຕຂົນສົ່ງຜູ້ບາດເຈັບໃນກຳປັ່ນອາເມລິກາໄປປິ່ນປົວຢູ່ສິງກະໂປ, ຂະນະທີ່ອົງການທ່າກຳປັ່ນກໍໄດ້ສົ່ງກຳປັ່ນ 3 ລຳ, ກອງທັບເຮືອແລະກອງຕຳຫຼວດປ້ອງກັນຊາຍຝັ່ງທະເລ ໄດ້ສົ່ງກຳປັ່ນ 4 ລຳເຂົ້າຮ່ວມການຊ່ວຍເຫຼືອແລ້ວ.
ເຈົ້າໜ້າທີ່ກອງກຳປັ່ນທີ 7 ກອງທັບເຮືອອາເມລິກາໄດ້ຖະແຫຼງໃນມື້ດັ່ງກ່າວວ່າ, ຫຼັງກຳປັ່ນຂັບໄລ່ຂີປະນາວຸດ "ຈອນ ແມັກແຄອິນ" ຕຳກຳປັ່ນບັນທຸກສິນຄ້າລຳໜຶ່ງຢູ່ເຂດທະເລຕາເວັນອອກຂອງສິງກະໂປໃນຕອນເຊົ້າມື້ດຽວກັນ ໄດ້ເຮັດໃຫ້ທະຫານເຮືອຫາຍສາບສູນ 10 ຄົນແລະບາດເຈັບ 5 ຄົນ.