ຂົ້ວໝູສາມຊັ້ນທີ່ຕົ້ມແລ້ວ, ຈືນໝາກໂປມເຄືອບນ້ຳຕານ, ຂົ້ວປາມຶກໝາກເຜັດດອງ…ໃນ "ເຮືອນຄົວຈີນ" ຂອງສະຖາບັນຂົງຈື້ມະຫາວິທະຍາໄລຂອນແກ່ນໄທ ໂດຍອາຫານຈີນ 100% ເຫຼົ່ານີ້ໄດ້ຖືກປຸງແຕ່ງຄາທີ່ແລະບໍລິການແຂກ ເພື່ອໃຫ້ຄົນໄທສາມາດຊີມ "ສະຖາບັນຂົງຈື້ຢູ່ປາຍລີ້ນ" ໄດ້.
ຕອນເຊົ້າວັນທີ 21 ສິງຫານີ້, ສະຖາບັນຂົງຈື້ມະຫາວິທະຍາໄລຂອນແກ່ນ ໄດ້ຈັດພິທີເປີດ "ເຮືອນຄົວຈີນ" ແລະເທດສະການວັດທະນະທຳອາຫານຈີນ "ຊືຊວນຊືເໝີຍ" ຫຼືອາຫານຄົບໝູ່ແລະແຊບ ຄັ້ງທຳອິດ ເຊິ່ງໃນງານຄັ້ງນີ້ ໄດ້ສາຍວິດີໂອແລະວາງສະແດງຮູບພາບກ່ຽວກັບວັດທະນະທຳອາຫານ, ການສຳຜັດການປຸງແຕ່ງອາຫານຈີນ, ການຊີມອາຫານຈີນ ແລະອື່ນໆ ເພື່ອເຮັດໃຫ້ຜູ້ເຂົ້າຮ່ວມສາມາດສຳຜັດກັບອາຫານຈີນຢ່າງທົ່ວເຖິງ ແລະຮູ້ສຶກເຖິງສະເໜ່ວັດທະນະທຳຈີນ. ໃນນັ້ນ, ຢູ່ຮ້ານປຸງແຕ່ງອາຫານຈີນ ລ້ວນແຕ່ມີນັກວິຊາການຈີນແລະໄທມາແນະນຳແລະອະທິບາຍຄາທີ່.
ທ່ານນາງ ຮູລິນ ຫົວໜ້າ ສະຖາບັນຂົງຈື້ມະຫາວິທະຍາໄລຂ້ອນແກ່ນຝ່າຍຈີນໃຫ້ຮູ້ວ່າ, ຫວັງວ່າກິດຈະກຳເທື່ອນີ້ ຈະດຶງດູດຄວາມສົນໃຈຂອງຜູ້ຮຽນພາສາຈີນຕໍ່ວັດທະນະທຳຈີນ ເພື່ອພະຍາຍາມຮຽນພາສາຈີນໃຫ້ດີ ແລະຊຸກຍູ້ມິດຕະພາບຈີນ-ໄທໃຫ້ດີກວ່າເກົ່າ.