ການຮ່ວມລາດຕະເວນປະຕິບັດກົດໝາຍຕາມລຳແມ່ນ້ຳຂອງຄັ້ງທີ 61 ລະຫວ່າງຈີນ-ລາວ-ມຽນມາ-ໄທ ໄດ້ຈັດຂຶ້ນຢູ່ທ່າກຳປັ່ນກວນເຫຼີຍກິ່ງແຂວງສິບສອງພັ່ນນາແຂວງຢູນນານສປຈີນໃນຕອນເຊົ້າວັນທີ 22 ສິງຫານີ້, ແລະຈະໃຊ້ເວລາ 4 ວັນ.
ກ່ອນຈັດຕັ້ງການລາດຕະເວນເທື່ອນີ້, 4 ປະເທດໄດ້ຈັດກອງປະຊຸມແລກປ່ຽນຂໍ້ມູນຂ່າວສານຢູ່ເມືອງຊຽງຮຸ່ງແຂວງຢຸນນານຈີນ, ເພື່ອວິເຄາະສະຖານະການຄວາມປອດໄພຂອງເຂດ ແມ່ນ້ຳຂອງໃນໄລຍະຜ່ານມາ. ຂະນະດຽວກັນໜ່ວຍລາຕະເວນຮ່ວມຍັງຈະໄດ້ກວດກາທາງບົກແລະທາງນ້ຳຢ່າງເປີດເຜີຍ, ການຝຶກຊ້ອມປະສົມທາງນ້ຳ, ໂຄສະນາການປາບປາມຢາເສບຕິດແລະອື່ນໆຢູ່ເຂດນ້ຳສຳຄັນເຊັ່ນສາມຫຼ່ຽມຄຳແລະອື່ນໆ, ເພື່ອສະກັດກັ້ນອາຊະຍາກຳຂ້າມຊາດຢູ່ເຂດແມ່ນ້ຳຂອງເຊັ່ນ: ການກະທຳຜິດທີ່ອາດຈະພົວພັນກັບການກໍ່ການຮ້າຍ, ການຄ້າຂາຍເຖື່ອນ, ຄ້າຂາຍຢາເສບຕິດ, ຄ້າຂາຍອາວຸດແລະອື່ນໆ.