ງານຖະແຫຼງຂ່າວກ່ຽວກັບການຈັດງານສິລະປະອາຊີຄັ້ງທີ 15 ທີ່ກະຊວງວັດທະນະທຳຈີນແລະອົງການປົກຄອງປະຊາຊົນແຂວງເຈີ້ຈ່ຽງຈະຮ່ວມກັນຈັດນັ້ນ ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 22 ສິງຫານີ້ ໂດຍທ່ານ ເຊ້ຈິ່ນຢິ່ງ ຫົວໜ້າກົມພົວພັນກັບຕ່າງປະເທດກະຊວງວັດທະນະທຳຈີນ ກ່າວວ່າ, ງານດັ່ງກ່າວຈະຈັດຂຶ້ນຢູ່ເມືອງນິງໂປ່ແຂວງເຈີ້ຈ່ຽງແຕ່ວັນທີ 23 ກັນຍາຫາວັນທີ 23 ຕຸລາປີນີ້.
ທ່ານ ເຊ້ຈິ່ນຢິ່ງ ກ່າວຕື່ມວ່າ, ງານສິລະປະໃນຫົວຂໍ້ "ທ່າກຳປັ່ນເກົ່າຂອງເສັ້ນທາງສາຍໄໝທາງທະເລ, ຄວາມໃຝ່ຝັນໃໝ່ຂອງອາຊີ" ນີ້ ປະກອບມີກິດຈະກຳ 10 ກວ່າລາຍການໃນ 4 ພາກ ຄື: ພິທີໄຂ, ເວທີປຶກສາຫາລືວັດທະນະທຳ, ສິລະປະການສະແດງ ແລະສິລະປະແຫ່ງຄວາມຮູ້ສຶກທາງສາຍຕາຫຼືຈັກຂຸວິນຍານ. ນອກນີ້, ເວທີປຶກສາຫາລືວັດທະນະທຳແມ່ນ້ຳລ້ານຊ້າງ-ແມ່ນ້ຳຂອງ ກໍຈະຈັດຂຶ້ນໃນວັນທີ 24 ກັນຍາ ໂດຍຈະເຊີນລັດຖະມົນຕີກະຊວງວັດທະນະທຳຂອງ 5 ປະເທດແມ່ນ້ຳຂອງຄື: ລາວ, ກຳປູເຈຍ, ມຽນມາ, ໄທແລະຫວຽດນາມ ພ້ອມດ້ວຍລັດຖະມົນຕີກະຊວງວັດທະນະທຳຈີນເຂົ້າຮ່ວມ ເພື່ອສຶກສາຄົ້ນຄວາແລະວາງແຜນການແລກປ່ຽນແລະການຮ່ວມມືວັດທະນະທຳໃນອະນຸພາກພື້ນ ແລະສ້າງພື້ນຖານດ້ານວັດທະນະທຳສັງຄົມຂອງການຮ່ວມມືແມ່ນ້ຳລ້ານຊ້າງແມ່ນ້ຳຂອງໃຫ້ໜັກແໜ້ນກວ່າເກົ່າ.
 |
