ວັນທີ 23 ສິງຫານີ້, ສວນສັດແຫ່ງຊາດມາເລເຊຍ ໄດ້ສະຫຼອງວັນເກີດໝີແພນດາ "ຊິ່ງໆ", "ລ້ຽງໆ" ແລະລູກຂອງມັນຄື "ໜວນໆ". "ຊິ່ງໆ" ແລະ "ລ້ຽງໆ" ເກີດເມື່ອວັນທີ 23 ສິງຫາ ເຊິ່ງປີນີ້ ເປັນປີຄົບຮອບ 11 ປີຂອງທັງສອງ. ສ່ວນ "ໜວນໆ" ໄດ້ສະຫຼອງວັນເກີດຄົບຮອບ 2 ປີໃນວັນທີ 18 ສິງຫາຜ່ານມາ.
ໃນພິທີສະຫຼອງ, ໝີແພນດາ 3 ໂຕດັ່ງກ່າວໄດ້ກິນຂະໜົມເຄັກກ້ອນໃຫຍ່, ໄມ້ໃຜ່ ແລະໝາກໄມ້ຢ່າງແຊບນົວພາຍໃຕ້ການຊົມຂອງຜູ້ຊົມແລະນັກຂ່າວເກືອບຮ້ອຍຄົນໃນສວນ. ທ່ານ ມັດ ນາອິມ ບິນ ຣາມລີ ຜູ້ຮັບຜິດຊອບສູນປ້ອງກັນໝີແພນດາຂອງສວນສັດແຫ່ງຊາດມາເລເຊຍກ່າວວ່າ, ອີງຕາມສັນຍາລະຫວ່າງມາເລເຊຍກັບຈີນ, "ໜວນໆ" ຈະຖືກສົ່ງກັບຄືນຈີນຫຼັງອາຍຸ 2 ປີແລ້ວ. ປັດຈຸບັນ, ສວນສັດໄດ້ກະກຽມຕ່າງໆ ໂດຍການເຮັດໃຫ້ "ໜວນໆ" ໄດ້ຢູ່ກັບແມ່ໜ້ອຍລົງ. ພາຍຫຼັງມີເງື່ອນໄຂ, "ໜວນໆ" ຈະກັບຄືນເຂດສະຫງວນໝີແພນດາໂວ້ລົງແຂວງເສສວນ ສປ ຈີນ.