ກ່ອນໜ້ານີ້ບໍ່ດົນ, ງານວາງສະແດງຜະລິດຕະພັນມຸສລິມບຣູໄນ 2017 ໄດ້ໄຂຂຶ້ນຢູ່ນະຄອນຫຼວງບັນດາເສຣີເບກາວັນ ແລະ ດຳເນີນເປັນເວລາ 3 ວັນນັ້ນໄດ້ເນັ້ນສົ່ງເສີມການແລກປ່ຽນລະຫວ່າງຜູ້ປະກອບການຂະແໜງການຜະລິດຕະພັນມຸສລິມທັງພາຍໃນແລະຕ່າງປະເທດ ທັງສົ່ງເສີມການພັດທະນາຂະແໜງການດັ່ງກ່າວຂອງປະເທດຕົນ.
ຂ່າວແຈ້ງວ່າ: ປີ 2016 ຜ່ານມາ, 35ວິສາຫະກິດມຸສລິມບຣູໄນ ທີ່ປະກາດລາຍຮັບນັ້ນສາມາດສ້າງວຽກເຮັດງານທຳໄດ້ 835 ຕຳແໜ່ງແລະສ້າງລາຍຮັບຈາກການຈຳໜ່າຍປະມານ 64 ລ້ານ 6 ແສນ 6 ໝື່ນໂດລາສະຫະລັດ.
ທ່ານອາສມິນ ລັດຖະມົນຕີກະຊວງພະລັງງານແລະອຸດສາຫະກຳ ບຣູໄນຢືນຢັນໃນພິທີເປີດງານວາງສະແດງວ່າ: ບຣູໄນໄດ້ຫຼຸດເວລາການຂໍໃບຢັ້ງຢືນຄຸນນະພາບອາຫານມຸສລິມຈາກ ກວ່າ 6 ເດືອນໃນເມື່ອກ່ອນ ເຫຼືອພຽງ 45 ວັນເທົ່ານັ້ນ ແລະເປົ້າໝາຍໃນປັດຈຸບັນກໍຄືສືບຕໍ່ຫຼຸດເວລາຂໍໃບຢັ້ງຢືນໃຫ້ໜ້ອຍລົງເຄິ່ງໜຶ່ງ ທັງຮັກສາລະບົບການຂໍໃຫ້ມີປະສິດທິພາບສູງແລະໂປ່ງໃສອີກດ້ວຍ.