ວັນທີ 25 ສິງຫານີ້, ກິດຈະກຳໂຄສະນາເຜີຍແຜ່ " ຊຽງໄຮທີ່ມີສະເໜ່ " ໄດ້ເລີ່ມຈັດຂຶ້ນຢ່າງເປັນທາງການຢູ່ຫໍສະໝຸດນະຄອນຫຼວງບາງກອກ. ກິດຈະກຳເທື່ອນີ້ມີຈຸດປະສົງເພື່ອປະຕິບັດຂໍ້ລິເລີ່ມ " ໜຶ່ງແລວທາງໜຶ່ງເສັ້ນທາງ ", ເພີ່ມທະວີການແລກປ່ຽນແລະການຮ່ວມມືລະຫວ່າງຊຽງໄຮກັບບາງກອກ ເຊິ່ງເປັນເມືອງແຮກສ່ຽວ.
ທານຢາງຢາງ ທີ່ເປິກສາການເມືອງຂອງສະຖານທູດຈີນປະຈຳໄທກ່າວປາໄສວ່າ, ປັດຈຸບັນ, ການສ້າງ " ໜຶ່ງແລວທາງໜຶ່ງເສັ້ນທາງ " ກຳລັງຄືບໜ້າຢ່າງຮອບດ້ານຢູ່ປະເທດທີ່ຢູ່ລຽບຕາມເສັ້ນທາງ. " ໜຶ່ງແລວທາງໜຶ່ງເສັ້ນທາງ " ບໍ່ພຽງແຕ່ແມ່ນເສັ້ນທາງແຫ່ງການເຊື່ອມຈອດພື້ນຖານໂຄງລ່າງແລະແລກປ່ຽນທາງເສດຖະກິດການຄ້າເທົ່ານັ້ນ, ຍິ່ງແມ່ນເສັ້ນທາງທີ່ ບັນດາປະເທດແລກປ່ຽນວັດທະນະທຳ, ປະຊາຊົນບັນດາປະເທດເພີ່ມທະວີຄວາມເຂົ້າໃຈແລະມິດຕະພາບ. ເຊື່ອໝັ້ນວ່າພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ, ກິດຈະກຳໂຄສະນາເຜີຍແຜ່ເທື່ອນີ້ຈະຊຸກຍູ້ການແລກປ່ຽນວັດທະນະທຳລະຫວ່າງຈີນກັບໄທ, ແລະເພີ່ມພະລັງໃໝ່ເຂົ້າໃນການຂະຫຍາຍການພົວພັນລະຫວ່າງຈີນກັບໄທ.
ໃນໂອກາດຈັດພິທີໄຂກິດຈະກຳໄດ້ຈັດງານວາງສະແດງຮູບຖ່າຍ " ຊຽງໄຮທີ່ມີສະເໜ່ ", ຢູ່ຫໍສະໝຸດບາງກອກຍັງຈະຈັດງານວາງສະແດງຫົວຂໍ້ຫຼັກຊຽງໄຮທີ່ເປັນເວລາ 1 ອາທິດເພື່ອແນະນຳການພັດທະນາຂອງຊຽງໄຮແລະຊີວິດການເປັນຢູ່ຂອງປະຊາຊົນຊຽງໄຮ. ພ້ອມກັນນັ້ນໃນ 1 ອາທິດທີ່ເລີ່ມແຕ່ວັນທີ 25 ສິງຫານີ້ , ວິທະຍຸ Like FM103 ຂອງບາງກອກຍັງຈະອອກອາກາດລາຍການ " ອາທິດວິທະຍຸຊຽງໄຮ " ໃນຕອນຄ່ຳແຕ່ລະມື້, ເພື່ອແນະນຳຈິດໃຈປະດິດສ້າງໃໝ່ແລະວັດທະນະທຳຫຼາຍເຄົ້າຂອງຊຽງໄຮ.
