ວັນທີ 25 ສິງຫານີ້, ໂຄສົກກະຊວງພາຍໃນອັຟການີສະຖານກ່າວວ່າ, ໃນມື້ດຽວກັນ, ກຸ່ມປະກອບອາວຸດທີ່ບໍ່ຮູ້ຖານະໄດ້ໂຈມຕີສຸເຫຼົ່າອິດສະລາມແຫ່ງໜຶ່ງຢູ່ກາບູນ ນະຄອນຫຼວງຂອງອັຟການີສະຖານ, ເຮັດໃຫ້ 13 ຄົນເສຍຊີວິດ, 38 ຄົນບາດເຈັບ.
ໂຄສົກກ່າວວ່າ, ຕອນບ່າຍມື້ດຽວກັນ, ກຸ່ມປະກອບອາວຸດກຸ່ມໜຶ່ງໄດ້ໂຈມຕີສຸເຫຼົ່າອິດສະລາມແຫ່ງໜຶ່ງຢູ່ກາບູນ, ຍິງປືນໃສ່ປະຊາຊົນ, ແລະຍິງປະທະກັບພະນັກງານຄວາມປອດໄພ.
ໂຄສົກກ່າວວ່າ, ປັດຈຸບັນ, ການຍິງປະທະກັນໄດ້ສິ້ນສຸດລົງ, ກຸ່ມປະກອບອາວຸດທີ່ເຂົ້າຮ່ວມການໂຈມຕີກຸ່ມນີ້ຖືກຍິງເສຍຊີວິດໝົດ, ຜູ້ບາດເຈັບກໍ່ຖືກສົ່ງໄປໂຮງໝໍເພື່ອຮັບການປິ່ນປົວ.
ກຸ່ມ IS ໄດ້ປະກາດວ່າຮັບຜິດຊອບຕໍ່ການໂຈມຕີເທື່ອນີ້ໂດຍຜ່ານສື່ມວນຊົນຂອງຕົນ. ຫາງສຽງເຫັນວ່າ, ກຸ່ມ IS ໂຈມຕີສຸເຫຼົ່າອິດສະລາມກໍ່ເພື່ອປຸກປັ່ນການປະທະກັນລະຫວ່າງນິກາຍສາສະໜາ.