ວັນທີ 25 ສິງຫານີ້,ພິທີເລີ່ມດຳເນີນໂຄງການ"ການເດີນສູ່ແສງສະຫວ່າງ"ທີ່ສະມາຄົມການຕ່າງປະເທດເພື່ອປະຊາຊົນຈີນ,ສະມາຄົມການກຸສົນຈີນແລະສະຫະພັນຊາວຈີນຕ່າງດ້າວທີ່ກັບຄືນປະເທດຂອງແຂວງຢຸນນານຮ່ວມກັນເປັນເຈົ້າພາບໄດ້ຈັດຂຶ້ນຢູ່ໂຮງໝໍປົວຕາຮີຕີຊາງແຂວງຊາກາອິງຢູ່ເມືອງມັນດາເລປະເທດມຽນມາ.ໂດຍມີຜູ້ເປັນພະຍາດແກ່ນຕາຂຸ້ນ 200 ຄົນໄດ້ເຫັນຮຸ່ງຄືນໃໝ່ຫຼັງຈາກຮັບການຜ່າຕັດແລ້ວ.
ປັດຈຸບັນ,ຢູ່ມຽນມາມີຜູ້ເປັນພະຍາດແກ່ນຕາຂຸ້ນ 3 ລ້ານກວ່າຄົນ, ແຕ່ລະປີຈະມີຜູ້ທີ່ຮັບການປິ່ນປົວຜ່າຕັດເຖິງ 1 ແສນກວ່າຄົນ. ໂຄງການດັ່ງກ່າວແມ່ນໜຶ່ງໃນຂໍ້ລິເລີ່ມການຮ່ວມມືທີ່ສຳຄັນທີ່ທ່ານ ຫຼີເຄີ້ສຽງ ນາຍົກລັດຖະມົນຕີຈີນປະກາດໃນກອງປະຊຸມຜູ້ນຳການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດເມື່ອເດືອນມີນາປີ 2016, ເຊິ່ງເປັນກິດຈະກຳການກຸສົນເພື່ອສັງຄົມຂ້າມຊາດຄັ້ງທຳອິດທີ່ບັນດາສະມາຄົມຢູ່ໃນປະເທດຈີນຮ່ວມມືກັນຈັດຂຶ້ນ. ກ່ອນໜ້ານີ້, ໂຄງການດັ່ງກ່າວໄດ້ເຮັດຜ່າຕັດໃຫ້ຜູ້ເປັນແກ່ນຕາຂຸ້ນຂອງ 3 ປະເທດຄື ລາວ,ກຳປູເຈຍແລະມຽນມາຈຳນວນ 600 ຄົນແລ້ວ. ແລະຍັງມີຄົນເຈັບເກືອບ 3 ພັນຄົນໄດ້ຮັບການປິ່ນປົວທີ່ກ່ຽວຂ້ອງ.