ພາຍຫຼັງດຳເນີນມາເປັນເວລາ 5 ວັນ,ງານວາງສະແດງປຶ້ມສາກົນປັກກິ່ງຄັ້ງທີ 24 ໄດ້ອັດລົງແລ້ວໃນວັນທີ 27 ສິງຫານີ້ໂດຍໃນເບື້ອງຕົ້ນ, ງານວາງສະແດງດັ່ງກ່າວໄດ້ບັນລຸການເຊັນສັນຍາການຄ້າລິຂະສິດລະຫວ່າງຈີນກັບຕ່າງປະເທດ 5262 ສະບັບ ເພີ່ມຂຶ້ນ 4,9%ເມື່ອທຽບໃສ່ໄລຍະດຽວກັນຂອງປີຜ່ານມາ. ໃນນີ້, ສັນຍາການສົ່ງອອກລິຂະສິດແລະການຮ່ວມມືພິມຈຳໜ່າຍ 3244 ສະບັບ ເພີ່ມຂຶ້ນ 5,5%ແລະສັນຍານຳເຂົ້າລິຂະສິດ 2018 ສະບັບ ເພີ່ມຂຶ້ນ 3,9%.
ການສົ່ງອອກລິຂະສິດຫຼາຍກວ່າໝູ່ປະກອບມີປຶ້ມທີ່ມີຫົວຂໍ້ສະເພາະ,ປຶ້ມເດັກນ້ອຍ, ປຶ້ມວັນນະຄະດີ, ປຶ້ມການສຶກສາວັດທະນະທຳ, ປຶ້ມເສດຖະກິດແລະປຶ້ມປັດຊະຍາ ຂະນະທີ່ລິຂະສິດປຶ້ມຫຼັງສົ່ງອອກໄປອັງກິດ,ອາເມລິກາແລະອື່ນໆແລ້ວກໍໄດ້ເລີ່ມສົ່ງໄປປະເທດທີ່ໂລກໃຊ້ພາສາສ່ວນໜ້ອຍ ເຊິ່ງບັນດາປະເທດລຽບຕາມ "ໜຶ່ງແລວທາງໜຶ່ງເສັ້ນທາງ"ໄດ້ກາຍເປັນເປົາໝາຍສຳຄັນເພື່ອສົ່ງອອກລິຂະສິດ, ແນວໃດກໍດີເມື່ອເບິ່ງຈາກຮູບແບບການຮ່ວມມືແລ້ວ, ສະຖາບັນພິມຈຳໜ່າຍຈີນແລະຕ່າງປະເທດນັບມື້ຮ່ວມມືກັນຢ່າງເລິກເຊິ່ງໂດຍການຈັດຕັ້ງນັກປະພັນຂຽນບົດປະພັນຮ່ວມ.