ກະຊວງການຕ່າງປະເທດຈີນຢືນຢັນໃນວັນທີ 28 ສິງຫານີ້ວ່າ: ເວລາ 14:30 ໂມງຂອງວັນດັ່ງກ່າວ, ອິນເດຍໄດ້ຖອນທະຫານແລະອຸປະກອນປະເທດຕົນທີ່ຂ້າມຊາຍແດນແລະເຂົ້າມາເຂດຕົ້ງຫຼາງປະເທດຕົນນັ້ນຄືນໝົດແລ້ວ, ຂະນະທີ່ເຈົ້າໜ້າທີ່ຈີນກໍໄດ້ຢືນຢັນຢູ່ກັບບ່ອນແລ້ວ. ໃນການຖະແຫຼງຂ່າວຂອງກະຊວງການຕ່າງປະເທດຈີນ ກໍໄດ້ເນັ້ນວ່າ: ຈີນຈະສືບຕໍ່ໃຊ້ສິດອຳນາດອະທິປະໄຕ ຕາມຂໍ້ກຳນົດທີ່ລະບຸໄວ້ໃນສັນຍາຊາຍແດນປະຫວັດສາດ ແລະປົກປັກຮັກສາສິດອຳນາດອະທິປະໄຕເໜືອແຜ່ນດິນປະເທດຕົນ.
ວັນທີ 18 ມິຖຸນາຜ່ານມາ, ທະຫານປ້ອງກັນຊາຍແດນອິນເດຍ ໄດ້ຂ້າມຊາຍແດນຈີນ-ອິນເດຍຕອນຊີກິມທີ່ໄດ້ກຳນົດໄວ້ ແລະເຂົ້າມາໃນເຂດຕົ້ງຫຼາງ ປະເທດຈີນ ຢ່າງຜິດກົດ ໝາຍ. ຈີນໄດ້ປະທ້ວງອິນເດຍຫຼາຍເທື່ອ ໂດຍຜ່ານຊ່ອງທາງການຕ່າງປະເທດ ທັງໃຫ້ຄວາມກະຈ່າງແຈ້ງຄວາມເປັນຈິງ ແລະ ຊີ້ແຈງຫຼັກໝັ້ນທີ່ສະເໝີຕົ້ນສະເໝີປາຍ ກໍຄືຄວາມຮຽກຮ້ອງຢ່າງຈະແຈ້ງຂອງຕົນຕໍ່ປະຊາຄົມໂລກ ທັງທວງໃຫ້ອິນເດຍຖອນທະຫານທີ່ເຂົ້າຈີນຢ່າງຜິດກົດໝາຍນັ້ນຄືນປະເທດທັນທີ. ຂະນະດຽວກັນ, ກອງທັບຈີນກໍນຳໃຊ້ມາດຕະການສົມຄູ່ກັນຢ່າງແຂງແຮງ ເພື່ອປົກປັກຮັກສາອຳນາດອະທິປະໄຕເໜືອແຜ່ນດິນ ແລະ ສິດຜົນປະໂຫຍດທີ່ຊອບດ້ວຍກົດໝາຍຂອງຊາດ.