ວັນທີ 26 ສິງຫານີ້, ຢູ່ເຂດທິວທັດນານຊ່າຈູ່ເຈ່ຍຈ່ຽນເຂດຜູ້ໂຖເມືອງໂຈ່ວຊ່ານແຂວງເຈີ້ຈ່ຽງໄດ້ໄຂງານແກະສະຫຼັກດິນຊາຍສາກົນໂຈ່ວຊ່ານຈີນຄັ້ງທີ 19 ໂດຍໃນມື້ດັ່ງກ່າວບັນດາຊ່າງແກະສະຫຼັກພວມເຮັດວຽກຂັ້ນສຸດທ້າຍດ້ວຍການກໍ່ກອງຊາຍເປັນຮູບ ແລະຈະເລີ່ມແກະສະຫຼັກໃນວັນທີ 29 ສິງຫານີ້. ຂ່າວແຈ້ງວ່າ: ງານຄັ້ງນີ້ເນັ້ນ "ຄວາມໄຝ່ຝັນຂອງຈີນຕາມໜຶ່ງແລວທາງໜຶ່ງເສັ້ນທາງ" ໂດຍປະກອບມີ 4 ສ່ວນຄື: ແກະສະຫຼັກດິນຊາຍໃນຫົວຂໍ້ "ໜຶ່ງແລວທາງໜຶ່ງເສັ້ນທາງ", ເສັ້ນທາງສາຍໄໝທາງທະເລສະຕະວັດທີ 21, ແລວເສດຖະກິດແລະຄວາມໄຝ່ຝັນຂອງຈີນຕາມໜຶ່ງແລວທາງໜຶ່ງເສັ້ນທາງ. ນອກນີ້ ຢູ່ສະຖານທີ່ຈັດງານຍັງໄດ້ເນລະມິດໃຫ້ມີນ້ຳຕົກ,ນ້ຳພຸ,ເຮືອແດງ,ຂະບວນລົດໄຟນ້ອຍແລະໂຄງລ່າງພື້ນຖານສຳຮອງອື່ນໆ ໂດຍຄາດວ່າຈະເລີ່ມເປີດຂຶ້ນໃນທ້າຍເດືອນໜ້າ.
