ວັນທີ 28 ສິງຫານີ້, ທ່ານ ປຣະຍຸດ ຈັນໂອຊາ ນາຍົກລັດຖະມົນຕີໄທກ່າວວ່າ: ຕົນບໍ່ມີຂໍ້ຕົກລົງໃດໆກັບທ່ານນາງ ຍິ່ງລັກ ຊິນນະວັດ ອະດີດນາຍົກລັດຖະມົນຕີກ່ຽວກັບການປ່ອຍອອກນອກປະເທດ. ຂະນະທີ່ພາກສ່ວນທີ່ກ່ຽວຂ້ອງຈະພິຈາລະນາວ່າ:ມີຄວາມສາມາດຖອນໜັງສືຜ່ານແດນຂອງທ່ານນາງ ຍິ່ງລັກ ຊິນນະວັດຕາມກົດໝາຍໄດ້ຫຼືບໍ່.
ໃນມື້ດັ່ງກ່າວ,ທ່ານ ປຣະຍຸດ ຈັນໂອຊາກ່າວຂະນະໃຫ້ສຳພາດສື່ມວນຊົນແຂວງສະແກ້ວທາງພາກຕາເວັນອອກຂອງໄທວ່າ: ບໍ່ຮູ້ຈຸດຢູ່ຂອງອະດີດນາຍົກລັດຖະມົນຕີມໍ່ໆນີ້ ແລະອາດຈະມີຄົນຊ່ວຍອອກນອກປະເທດແລ້ວ. ທ່ານກ່າວຕື່ມວ່າ: ໜ້າທີ່ຂອງຕົນຄືຮັບປະກັນຂັ້ນຕອນການປະຕິບັດກົດໝາຍໃຫ້ສາມາດດຳເນີນໄປດ້ວຍດີ. ປັດຈຸບັນ, ພາກສ່ວນທີ່ກ່ຽວຂ້ອງພວມໄລ່ສືບສວນແລະສອບສວນ ແລະຈະພິຈາລະນາການສັ່ງຖອນໜັງສືຜ່ານແດນຂອງທ່ານ.
ທ່ານ ວິຊະນຸ ເຄືອງາມ ຮອງນາຍົກລັດຖະມົນຕີທີ່ຮັບຜິດຊອບວຽກງານກົດໝາຍໄທກ່າວໃນມື້ດັ່ງກ່າວວ່າ: ຖ້າໄດ້ຮັບການຢືນວ່າທ່ານໄດ້ອອກນອກປະເທດແທ້ແລ້ວ, ກໍຈະຖືກລົງໂທດຢ່າງໜັກໜ່ວງກວ່າເກົ່າ. ທ່ານກ່າວຕື່ມວ່າ: ຖ້າອອກນອກປະເທດແຕ່ບໍ່ມີການປັບໃໝໃດໆຈະສົ່ງຜົນກະທົບຕໍ່ທົ່ວສັງຄົມ. ອີງຕາມກົດໝາຍ, ສານດີກາພະແນກຄະດີຂອງຜູ້ດຳລົງຕຳແໜ່ງທາງການເມືອງໄທສາມາດປະກາດຜົນການຕັດສິນໄດ້ ເຖິງວ່າຜູ້ຖືກກ່າວຟ້ອງບໍ່ຂຶ້ນສານ ແລະກໍສາມາດແກ່ຍາວເວລາປະກາດຜົນການຕັດສິນໄດ້ອີກເທື່ອໜຶ່ງ.
 |
