ສ​ປ​ຊ​ກ່າວ​ປະ​ນາມ ສ​ປ​ປ ເກົາ​ຫຼີ​ທົດ​ລອງ​ຍິງ​ຂີ​ປະ​ນາ​ວຸດ
2017-08-30 16:34:24  cri 
​ເນື່ອງ​ຈາກ ສ​ປ​ປ ເກົາ​ຫຼີ​ທົດ​ລອງ​ຍິງ​ຂີ​ປະ​ນາ​ວຸດ​ຫວ່າງ​ມໍ່ໆ​ມາ​ນີ້, ຜູ້​ນຳ​ອາ​ເມ​ລິ​ກາ​ແລະ​ຍີ່​ປຸ່ນ​ໄດ້​ລົມ​ໂທ​ລະ​ສັບ, ນຳ​ກັນ​ໂດຍກ່າວ​ວ່າ​ຈະ​ສືບ​ຕໍ່​ເພີ່ມ​ມາດ​ຕະ​ການ​ຂວ້ຳ​ບາດ​ ສ​ປ​ປ ເກົາ​ຫຼີໃຫ້​ແຮງກວ່າ​ເກົ່າ. ແລະໂດຍ​ຕອບ​ສະ​ໜອງ​ຕາມ​ຄວາມ​ຮຽກ​ຮ້ອງ​ຂອງ​ອາ​ເມ​ລິ​ກາ ຍີ່​ປຸ່ນ​ແລະ​ສ​ ເກົາ​ຫຼີ, ສະ​ພາ​ຄວາມ​ໝັ້ນ​ຄົງ​ອົງ​ການ​ສະ​ຫະ​ປະ​ຊາ​ຊາດ​ໄດ້​ຈັດ​ກອງ​ປະ​ຊຸມ​ສຸກ​ເສີນ​ໃນ​ຕອນ​ບ່າຍ​ວັນ​ທີ 29 ສິ​ງ​ຫາ​ນີ້​, ແລະ​ໄດ້ກ່າວ​ປະ​ນາມ​ຕໍ່ ສ​ປ​ປ ເກົາ​ຫຼີທີ່​ທົດ​ລອງ​ຍິງ​ຂີ​ປະ​ນາ​ວຸດ.

​ມື້​ດຽວ​ກັນ, ທຳ​ນຽບ​ຂາວ​ອາ​ເມ​ລິ​ກາ​ອອກ​ຖະ​ແຫຼງ​ການ​ວ່າ, ທ່ານ​ໂດ​ນັນ ທ​ຣຳ ປະ​ທາ​ນາ​ທິ​ບໍ​ດີ​​ຕົນ​ແລະ​ທ່ານ​ຊິນ​ໂຈະ ອາ​ເບະ ນາ​ຍົກ​ລັດ​ຖະ​ມົນ​ຕີ​ຍີ່​ປຸ່ນຕ່າງ​ກໍເຫັນ​ວ່າ​ການ​​ກະ​ທຳ​ຂອງ​ ສ​ປ​ປ ເກົາ​ຫຼີ​ເປັນ​ການ​ຂົ່ມ​ຂູ່​ອາ​ເມ​ລິ​ກາ ຍີ່​ປຸ່ນ​ແລະ​ສ ເກົາ​ຫຼີ​ກໍ​ຄື​ປະ​ເທດ​ອື່ນໆ​ໃນ​ໂລກຢ່າງ​ໜັກ​ໜ່ວງ​ແລະ​ໂດຍ​ກົງ. ຂະ​ນະ​ດຽວ​ກັນ, ຜູ້​ນຳ​ອາ​ເມ​ລິ​ກາ​ແລະ​ຍີ່​ປຸ່ນ​ໃຫ້​ຄຳ​ໝັ້ນ​ສັນ​ຍາ​ວ່າ​ຈະ​ເພີ່ມ​ໃຊ້​ກຳ​ລັງ​ໜີບ​ ສ​ປ​ປ ເກົາ​ຫຼີ, ແລະ​ຈະ​ພະ​ຍາ​ຍາມ​ເຮັດ​ໃຫ້​ປະ​ຊາ​ຄົມ​ໂລກ​ໃຊ້​ກຳ​ລັງ​ໜີບ ສ​ປ​ປ ເກົາ​ຫຼີ​ຕື່ມ​ອີກ.

ສ່ວນລັດ​ຖະ​ບານ​ ສ​ ເກົາ​ຫຼີ​​ກໍໄດ້​ອອກ​ຖະ​ແຫຼງ​ການ​ໃນ​ມື້​ດຽວ​ກັນ​, ​ໂດຍບອກ ສ​ປ​ປ ເກົາ​ຫຼີໃຫ້​ກັບ​ຄື​​ນສູ່​ໂຕະເຈ​ລະ​ຈາ​​ທັນ​ທີ. ຂະ​ນະ​ທີ່​ ສ​ປ ຈີນ​ກໍ​ມີ​ປະ​ຕິ​ກິ​ລິ​ຍາ​ຕໍ່​ເລື່ອງ​ນີ້​ເຊັ່ນ​ດຽວ​ກັນ​ໂດຍ
ໃນ​ພິ​ທີ​ຖະ​ແຫຼງ​ຂ່າວ​ທີ່​ຈັດ​ຂຶ້ນ​ໃນ​ວັນ​ທີ 29 ສິງ​ຫາ​ນີ້, ທ່ານ​ນາງ​ຮ້​ວາ​ຊຸ່ນ​ຢິງ, ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າວ​ວ່າ, ກ່ຽວ​ກັບ​​ບັນ​ຫາ​ທີ່​ ສ​ປ​ປ ເກົາ​ຫຼີ​ທົດ​ລອງ​ຍິງ​ຂີ​ປະ​ນາ​ວຸດ​ນັ້ນ, ມະ​ຕິ​ຂອງ​ສະ​ພາ​ຄວາມ​ໝັ້ນ​ຄົງ​​ກໍໄດ້​ກຳ​ນົດ​ຢ່າງ​ຈະ​ແຈ້ງ​ແລ້ວ. ​ແລະພາຍ​ໃຕ້​ສະ​ຖາ​ນະ​ການ​ໃນ​ປັດ​ຈຸ​ບັນ, ຝ່າຍ​ຕ່າງໆ​ທີ່​ກ່ຽວ​ຂ້ອງ​ບໍ່​ຄວນ​ຂົ່ມ​ຂູ່ກັນ​​ເຊິ່ງ​ຈະ​ເຮັດ​ໃຫ້​ສະ​ຖາ​ນະ​ການ​ໃນພາກ​ພື້ນ​ເຄັ່ງ​ຕຶງ​ຂຶ້ນ​ຕື່ມ​ອີກ, ບັນ​ດາ​ຝ່າຍ​ຄວນ​ຮັກ​ສາ​ຄວາມ​ອົດ​ກັ້ນ, ​ແລະຮ່ວ​ມ​ກັນ​ຮັກ​ສາ​ສັນ​ຕິ​ພາບ​ແລະ​ສະ​ຖຽນ​ລະ​ພາບ​ຂອງ​ແຫຼມ​ເກົາ​ຫຼີ​ໃຫ້​ເປັນ​ຈິງ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ