"ມາລະຍາດຕາເວັນອອກ" ຄືຫົວຂໍ້ໃນເວທີປະກວດພິທີການຈີນ-ອາຊຽນຄັ້ງທີ 13 ຮອບຊີງຊະນະເລີດທີ່ຈັດຂຶ້ນຢູ່ກຳປັ່ນໂດຍສານ"ພູໄທ້ຊ່ານຈີນ"ໃນເຂດທະເລນະຄອນຕານັງສສຫວຽດນາມໃນວັນທີ 30 ສິງຫານີ້, ສາວໆທີ່ຮ່ວມປະກວດຈາກຈີນແລະອາຊຽນ 23 ຄົນໄດ້ຂຶ້ນເວທີປະຊັນຄວາມສວຍງາມຕາມວັດທະນະທຳພິທີການຂອງແຕ່ລະປະເທດ.
ທ່ານສູນິງນິງ ຫົວໜ້າປະຕິບັດງານຂອງສະພາມົນຕີການຄ້າຈີນ-ອາຊຽນກ່າວວ່າ, ການແລກປ່ຽນວັດທະນະທຳມະນຸດແມ່ນພື້ນຖານແຫ່ງການຮ່ວມມືເສດຖະກິດການຄ້າລະຫວ່າງຈີນກັບອາຊຽນ, ສ່ວນພິທີການແມ່ນເນື້ອໃນສຳຄັນຢ່າງໜຶ່ງໃນການເພີ່ມທະວີການແລກປ່ຽນແລະຄວາມເຂົ້າໃຈກັນ ແລະເຄົາລົບເຊິ່ງກັນແລະກັນລະຫວ່າງສອງຝ່າຍ.
ທ່ານນາງພ່ານຫຼິງ ປະທານປະຕິບັດງານຂອງຄະນະກຳມະທິການຈັດຕັ້ງການປະກວດພິທີການຈີນ-ອາຊຽນກ່າວວ່າ, ການປະກວດດັ່ງກ່າວສະແດງໃຫ້ເຫັນວັດທະນະທຳອາຊຽນຫຼາຍກວ່າເກົ່າ ເຊິ່ງນອກຈາກໄດ້ຈັດການປະກວດຢ່າງປະຈຳແລ້ວ ຍັງໄດ້ຄັດເລືອກຊາວໜຸ່ມດີເດັ່ນ 25 ຄົນຈາກຈີນແລະອາຊຽນເປັນໂຕແທນພິທີການ, ເພື່ອເຜີຍແຜ່ວັດທະນະທຳດ້ານນີ້, ທັງຂອງຈີນແລະອາຊຽນໃຫ້ປະຊາຊົນຈີນແລະທົ່ວໂລກຮັບຮູ້ຄວາມງົດງາມດັ່ງກ່າວ.
 |
